يــالله يــاللــي فــوقــنا رقــيـــب=يـاواصـلٍ فينا ماهـوب قـطـوع
روَح برايــح لــيـلـةٍ تنشــيـبـهـا=يومك لطـلبات الـعـباد سـمــوع
محيي قنيفٍ كن تكيشاف بارقـه=عليه من وصف السيوف رموع
جعله على لطوى ينـهـل وبـلــه=ومشـيـمـخٍ قـبـلـه عـلـيـه رثوع
نرعى بوضحاً سيرها متمرجح=كـنـها فـتـاةٍ مـن الـبـنـي فــروع
وضحاً ندللها ونـتـبــع شــفــهــا=لاقـعـد ربيب العـش مـعـه تبوع
وياراكـب اللـي ريَـفٍ هذيــلـــه=توَه على حسب الطلب مصروع
نص النضو محمد ويلا جـيــتـه=يآخذ علومك والنـضـوْ مـقـروع
تراه بيقول ياراعي النضو هـيــَد=يويمـن وخـل شـديـَده مـجـفـوع
وتســــــابقوه الجـمـاعة كـلــهــم=قـرومٍ لافـيـهــم خـجلٍ ولادنـوع
وتسابقوه يبون المرجلة وعلومه=وسبقهم إبن غدفان على المطموع
ثم قل لهم وليدٍ يستعي في حربكم=كنه حصانٍ مابعـد جــاء طـــوع
وقولوله إن جيتوه وإلأ جاكــــــم=وأخير مـاجـابـه يـبـي كـرسـوع
وكرسوع حلفله بالله وعياَ يرضى=وعـيـاَ يـطـيـع فريضة المشروع
ولاعندنا له إلأ ضــرب الهنَمـــي=ومـخـيـَراتٍ ضـربـهـن شلــــوع
ينشد غنيمٍ يوم ذاق ضـــــربــنـــا=يمشي معه ومـنـكـبـه مقطـــــوع
خلاَ المزيَن ماإنثنا دونـــــــهــــا=فوقه عماشاء خشمها مقطــــــوع
خمسه وسبعينٍ غدوْ من وقعــنـــا=مثل الخشب في واديٍ مصــــروع
سبعان ياظفرهـــم فــي بيعتهــم=يوم إلتقينا في العريق جمــــــــوع
فرحو بنا يوم إنفركنا ســــاعـــة=كأننا عـيـالٍ يـلـعـبـون الشـــــــوع
مير إنا خدمناهم بضرب سيوفنا=لين الصعب من ضربنا جاء طوع
يانعم والله ياصـــلايــب جــدي=يوم الميازر ضربــهـــن يــــروع
وبسام خلي طايحٍ متكــــرســع=لاهوب في ســـرقٍ ولامــمــنـوع
لين هج السهلي يسحب عباتـــه=يدعــي مــعــه كـلـب الغـنم جدوع
ولاخاين إلأ من خان أخو السر=خـوي خـدعـانٍ يـامـال الــــــروع
أخوه من السر رديف إشــــداده=أخوه لافيه لاطـامـع ولامــطمـــوع

محب الجميع = ابو بطي

العلوم كلها عندك تزين وتبين

لا هنت يوم بينت الحقيقه يابو بطي

والحق لازم يظهر ويبان وذي عوايدك

ما تجيب الا الطيب والعلوم الموقفه

والغدر حنا خابر منهو الغدر راعيه واني قد ذكرت ابيات

يبين منهو اللي خان العهد وذكرت قصتها مع احد القبايل


لكن عندي سوال السالفه اللي ذكرت هي معركة العريق

واذا كانت هي اتمنا منك تحطها بالتفصيل فضلا لا امرا


وعلى كل حال جعلك تسلم

ويسلم غاليك


اخوك

ابو عبد الله الشكري

المشاركة الأصلية كتبت بواسطة الشكري محب الجميع = ابو بطي العلوم كلها عندك تزين وتبين لا هنت يوم بينت الحقيقه يابو بطي والحق لازم يظهر ويبان وذي عوايدك ما تجيب الا الطيب والعلوم الموقفه والغدر حنا خابر منهو الغدر راعيه واني قد ذكرت ابيات يبين منهو اللي خان العهد وذكرت قصتها مع احد القبايل لكن عندي سوال السالفه اللي ذكرت هي معركة العريق واذا كانت هي اتمنا منك تحطها بالتفصيل فضلا لا امرا وعلى كل حال جعلك تسلم ويسلم غاليك اخوك ابو عبد الله الشكري

المشاركة الأصلية كتبت بواسطة الواضح لا هنت أخوي / دعش البطي على إيراد القصه وذكر قصيدة هجاج بعد ذلك دايم اختياراتك موفقه وتصيب

المشاركة الأصلية كتبت بواسطة سيف الدواسر بيض الله وجهك يا دغش على التوضيح ولاهنت هذا رد على السبيعي وغيره من المشككين في افعال الغياثات وغيرهم من الدواسر والغياثات علومهم غانمه وافعالهم مشرفه ولا يوجد في سجلهم الغدر او نقض العهد وهذا هو فعل الدواسر جميع والرجاء من الاخوان الضيوف عدم تحريف التاريخ على حسب اهوائهم

المشاركة الأصلية كتبت بواسطة ابن غيث استاذ دغش سلمت يدك يالقرم وبيض الله وجهك ورحم الله هجاج فقد كانت قصائده توثيق لافعال الغياثات التي يفتخر بها كل دوسري . تقبل ارق التحايا من اخوك ابن غيث

المشاركة الأصلية كتبت بواسطة &كاسر& بارك االله فيك يا دغش ...........