::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم الـشعر العــام :: (http://alduwaser.org/vb/forumdisplay.php?f=16)
-   -   سكرة الموت ,,, (http://alduwaser.org/vb/showthread.php?t=34344)

المطنوخه 01-11-2008 04:06 AM

سكرة الموت ,,,
 
سكرة الموت ,,,

---------


أندم وأداعب بالندم سكرة الموت
لا يا حياة حروفها ما انحني لك

يا وحش يا كاسر غدى القلب كتكوت
متوتر ٍ يبتزّني مستحيلك

يا هزلها يا فكرة الشك لبيوت
ما ضقت ذرعا والتكبّر نزيلك

يا شبهة الأيام ما كنت مبخوت
ضاق المدى وإنتي ظلمتي بكيلك

لا يغرّك إنّي كنت مستعجل الفوت
أذرف هجوس موادعك في رحيلك

تنتابني الغربه وأنا الحلم ليخوت
تبحر بنظرات الأسى حين ميلك

مابيك لو تنظم على القاف ياقوت
مابيك لو تنثر على الدرب شيلك

لا يحترق من نظرتك سحر هاروت
لا تشدّ في وجه الملامات حيلك

لا تبتسم لا تصطنع همسة التوت
ما أريد فزعة هالعيون وجديلك

المعذره ما همّني ناعم الصوت
والله لأبعثر جرح يصرخ : " دخيلك "

هذي بقايا غفوة ٍ كلها سكوت
هذي بدايات انتكاسة خليلك

وهم وكآبه وانتفاضات مكبوت
ألفين وسواس ٍ تناجي كحيلك

يا مالك ٍ بأمر الغلا درب بيروت
هبايب الدمّام تدمي نخيلك

هدوء ولفك أوت والفلسفه أوت
والعاطفه آمالها مستطيلك

أبرسم ببحر الشعر لعنة الحوت
أبيه يغري بالتهامه سبيلك

يا ثرثرة ليل ٍ تعاهدته قنوت
سوالفه تثبت بأنه عميلك

وزّع على ظنون ٍ تماري به كروت
ضلالته في بعثرتها دليلك

يمكنّي أنسى يا السهر همسة النوت
وأجفاه وتصير المسافه بديلك

يا كبريائي المنصدم مجد وبشوت
آثرت طعناتك على كل جيلك

أنا أسولف والمتاهات تابوت
وشلون أبلقى في دروبي مثيلك

يا مهرتي دربي بذكراك منحوت
أبطيت أناظر بسّ ما شفت خيلك

لو أضبط إيقاعي ترى القلب مبهوت
يا ما تحايل ودّه أنفاس ليلك

سيد الغنج والتريقه شتّني شوت
من بهرجك مغليك أصبح قتيلك

مشكلتي ذقت بغيبتك سكرة الموت
وأجبرت أنا حتى الندم ينحني لك

شافي القويسي المخاريم 01-11-2008 11:15 AM

رد: سكرة الموت ,,,
 
يعطيك العافيه على الطرح لجميل....

المطنوخه 01-11-2008 11:41 AM

رد: سكرة الموت ,,,
 
الاخ شافي لاهنت على مرورك الكريم...

محمد الولامين 01-11-2008 01:36 PM

رد: سكرة الموت ,,,
 
صح لسان شاعرها

يعطيك العافيه على ماقدمتي

في انتظار جديدك

المطنوخه 02-11-2008 08:21 AM

رد: سكرة الموت ,,,
 
لاهنت اخ محمدعلى مرورك الطيب...


الساعة الآن 10:10 AM

Powered by vBulletin® Copyright ©2000 - 2025, Jelsoft Enterprises Ltd.
---