دكتور طير الشرق ماهوب لي طير = انا أونّ ويحسبنّي أغنّي
ونّيت من ظيم الليالي المعاسير=الوضع مزري حالنا في تدنّي
لاشك وش يدريه يحسبني اطير=وانا بلا جنحان لايمتحنّي
دكتور لك ازكى التحيه وتقدير..؟=ارسلتها مع باقة الورد منّي
سلم على الوالد وكل المسايير=ومن كان في الديوان بلغه عنّي
حناا بجاكرت سوات الطراطير=الي ريالك بالملايين دنّي
خضره وماء ووجيه ماهي مسافير=سجة نفس والبعد طال وغبنّي
متذكرِ .....................ير =أبغى كحل عيني ومن هو فتنّي
ازهمك يالي ماتحسب المخاسير = يابومحمد غيركم ماشحنّي
شرواك ياورث الرجال المناعير= يالماجدي يالصقر لاتحسبنّي..
حتيش لو مثلي رمته المقادير= مانستكين وكل مابي سكنّي
حنا خلقنا للقنا والمغاوير= لارمدت غاره فغاره نشنّي
غمام نرقا والمطر لا نزل غير= ماعشوشبت ارض القوافي تبنّي
ياطير خير 0وكلنا اليوم في خير=مانيب من يبني حياته تمنّي