المرجله ماهيب هرج وسواليف=المرجله لهل المواقف والافعال
اللي تبين افعالهم بالمواقيف= مثل الجبال اللي بها دفء وضلال
اللي معرفتهم معزه وتشريف=احب خوتهم على كل الاحوال
نعم الرجال اليا توصفت توصيف=تزها بهم عذب المعاني والامثال
اهل العوايد عارفين المعاريف=ماتبتلش معهم على دق وجلال
والمرجله وهبه من الله وتكليف= من خلقة الدنيا على مرالاجيال
ماهيب لاورثه ولاهيب توليف=فعل الفتى بذراع يمناه لاطال
لوهي وراثه كان ماشفت به حيف=ولاخلفت روس الرجاجيل الانذال
كم واحدن من روس قوما ولاشيف=جنب طريق الجد والعم والخال
المعطي الله صار للطيب تصنيف=اصبح ثلاث انواع بالوان واشكال
الثالث اللي يوضف الطيب توضيف= لاجل المصالح قبل يخسر بهاريال
طيبه على كيفه مزاج وتصانيف= عنداللوازم مايفيدك بمثقال
اروغ من الحصني بالاعذار حريف= ماينعرف له وجه بقفاي واقبال
والثاني اللي منتشر كمن وكيف=اهل البشوت اللي تبختر وتختال
رغم المكانه طيبها فيه تزييف= ماهو لوجه الله لو سوت اعمال
لاجاهم المحتاج بيعود معيف= بروق صيف مايصدق لها خيال
ناس تبي سمعه وشهره وتسويف= قدام خلق الله تبي علماً ايقال
رحلة شتاهم عل ماتلحق الصيف= اللي على المحتاج تضحك وتحتال
والاول الاول بروس المشاريف= طيبه لمعنى الطيب مخرج ومدخال
ياقلهم في تالي الوقت ياخليف= الشاهد الله مابقا غير رجال
اللي بمداته يغيث الملاهيف=لاضاقت الدنيا من الجال للجال
مارد محروماً ولاينهر اضعيف=لامن قضى اللازم رقد راضي البال
مايحسب حساب الغلا والمصاريف=ماجات به يمناه ينفقه بشمال
سمح النوايا صادق القلب ومضيف=دمث الجناب وطيب الخلق والفال
يلقف لفعل الغانمه بالملاقيف=لقفاتن تذكر مع الناس بافضال
محيط بحرالجود مرسى وتجديف=يحيل ملح البحر من جوده زلاال
معروف مايحتاج شهره وتعريف=له في سما العليا مقر ومنزال
من قربه نجوم الثريا مواليف= بعد السما عن قرب عبادت المال
هذا هواللي مابعد جيت له ضيف=حلم تصور وعن ناضري زال
هاذي علوم المرجله دون تحريف=لاحدن يجادلني ولايكثر اجدال

المشاركة الأصلية كتبت بواسطة السيف دايـم (المشاركة 395595) لوهي وراثه كان ماشفت به حيـف ولاخلفت روس الرجاجيل الانـذال كم واحدن من روس قوما ولاشيف جنب طريق الجد والعـم والخـال اخي الكنج.. دائما كعادتـك مبدع بكتاباتك ومبدع بنقلك ومبدع باسلوبكـ أما بخصوص الشاعر حسن بن محمد بن بطحيه.. فأخاف أن أطول في الكلام عنه ولاأوفيه حقه.. شاعر ينحت من صخر شاعر له اسوب الجزاله التي تغنى به أبياته.. شاعر يجبرك على الوقوف حينما يتحفنا بهذه الدرر وامثالها.. شاعر يقوم له الابداااع والجزاله وقوة المعنى والتصوير الجميل إحتراااام لكي يحييه على هذه الموهبه .. آآسف على الاطاله.. ولكن بدون شعور.. تقديري لك.

المشاركة الأصلية كتبت بواسطة غلا نجد (المشاركة 395621) صح اللسان شاعر الجزاله حسن بن بطيحه وسلمت ولا هنت على النقل الرائع بودي لوكانت القصيده هناك في الشعر العام حتى يقرأها الجميع >>>محلها الصحيح احترامي وتقديري

المشاركة الأصلية كتبت بواسطة يحيى الودعاني (المشاركة 395812) صح لسان الشاعر قصيدة جزله و معبره بيض الله وجهك على النقل لاهنت

المشاركة الأصلية كتبت بواسطة الطاحوس (المشاركة 395820) لاهنت على ومشكور على الموضوع ونقل القصيدة الرائعه تحياتي

المشاركة الأصلية كتبت بواسطة فهد مبارك الودعاني (المشاركة 395828) يكفيني فخرا ً بأن هذهـ الأبيات الأوليه هي من أقتبستها بتوقيعي المتواضع ،، فـ صح الله السان شاعرنا و مبدعنا أبو محمد و بيض الله و جه على الأبيات الجميله و الرائعه فأخشى على نفسي بأن يقولون أن هذا يرد لكي يلمع الشاعر فأكتفي بما قلتها فليسمح لي أخي أبو محمد بهذا ،، تقبل مروري يالـ king و بيض الله و جهكـ على النقل الفريد من نوعه و ما قصرت يالغالي و عسى الله لأيهينكـ على النقل الموفق ،، لـكـم كـل الإحـتـرام و الـتـقـديـر ،،

المشاركة الأصلية كتبت بواسطة محمد الولامين (المشاركة 395848) صح لسان الشاعر حسن بن بطحيه ولا هنت يالكنق على التعليقات وكل واحدن منا ياخوك له الحق الفخر في دينه الاسلامي وفي وطنه وفي قبيلته وافعال قبيلته وعلومهم لا هنت على كل حال