قلب يالي لايشاور ولايقبل شوير = وان عذلته او نهيته حلال القوم زاد
وصرتنا وياه مثل المسرح والنذير = او مثل قول المثل كل يوم في جهاد
وصابر وقول يالله عسى في الأمر خير = وعارف الصبر لو طال تاليه النفاد
في هوا اللي صار لي في حياتي لي خشير = مخشره والشاهد الله عليه والعباد
مالك قلبي وعقلي وخلاني اسير = للعيون اللي وساع وداخلها سواد
عين حر فوق وكره تنهض للمطير = شاف جول بان له واتقا وسط الحماد
ويا شبيه اللي من الصيد حقق مستذير= ذيره صوت القوانيص في الخبه وحاد
واستذار وذير الصيد مع وقت العصير = واختلف رمايها ما ضغط راس الزناد
عود موز ناعم منبته جال الغدير= يستميل مع الهوى كل ما هب البراد
مايصير اللي تسويه لا لا مايصير = شوف حال الي قضأ الحال منه مستفاد
كون عبرات اونات والباقي زفير = ورأس كوعه لا ضوى الليل حطه له وساد
في هواكم من غلاكم يجذبه سلك الحرير = وفي رضاكم لو زعل كل ناسه ويش عاد

المشاركة الأصلية كتبت بواسطة هايف العماني (المشاركة 392314) الشاعر القدير تركي بن هذال بن نيف صح الله لسانك واعتلا شانك على القصيدة الطيبه والأبيات العذبه .شاكرين لك يالقرم هذا الاهداء الكريم من قبلكم . تقبل تحياتي،،

المشاركة الأصلية كتبت بواسطة شافي القويسي المخاريم (المشاركة 392214) وصابر وقول يالله عسى في الأمر خيـر وعارف الصبر لـو طـال تاليـه النفـاد ايه والله صح لسانك اخوي تركي على الجزله دايما مبدع ولا تجيب الا الابداع

المشاركة الأصلية كتبت بواسطة مبارك الخييلي (المشاركة 392039) تركي بن هذال آل نيف صح ألسانك وعتلى شانك وبيض الله وجهك على ذا الأبيات الطيبه الرائعة التي تدل على طيب ساس راعيها دمت بود ولاترحمنا من جديدك طال عمرك تقبل شكري والتقدير

المشاركة الأصلية كتبت بواسطة المسعري (المشاركة 392366) تركي شاعر كبير وقصيده كبيره ابداع ابداع ننتظر جديدك

المشاركة الأصلية كتبت بواسطة نجــــــــــديه (المشاركة 414382) ابيات رائعه وقويه جعلك تسلم صح لسانك وجاد بيانك .. لاهنت ارق التحايا واطيب الامنيات دمت بخير

المشاركة الأصلية كتبت بواسطة مطلق الحصان آل عمار (المشاركة 414510) الاخ ابوهذال صح لسانك على الدره الرائعه واوصيك بالصبر تراه زين لاتحرص تحياتي وتقديري لك