قال منهو يبدع القاف من بحرٍ غزير=و المثايل دارسٍ دقها و جلالها
كن وصف بيوتها يوم هاض بها الضمير=موج سيلٍ نازلٍ من رفيع جبالها
لابتي هم لاد زايد متيهة القصير=قوم عزٍ للمراجل غدوا بجزالها
لا احتزمنا بالمدابيح عجلات المثير=و العطوف اللي تشوق النظر بافعالها
كم عقيدٍ في نحا جمعنا عظم كسير=و عشقته عقب الطرب بدلت باسمالها
نشلعه بمخيراتٍ يموزن المطير=مع سيوفٍ فوق الامتان خبط سلالها
بنت ياللي تلبس الطوق و ثياب الحرير=اطمحي لمجربٍ يحتمل لثقالها
اطمحي للي يدوس الخطر وقتٍ عسير=لا زمت ضو المعادي و زاد اشعالها
و ريف هشال الخلا لا لفوا بعد المسير=لا حصل جور الليالي و زاد محالها
و عن ربعه سيف هندٍ له بيمنى شطير=يصتفق في ملعبٍ بين صف ابطالها