::: مـنتدى قبيلـة الـدواسـر الـرسمي ::: - لمحمد بن عيد المخاريم في ناصر بن صقر

- :: قسم قصايد مدح وفخـر في الــدواسـر :: (http://alduwaser.org/vb/forumdisplay.php?f=37)

- - لمحمد بن عيد المخاريم في ناصر بن صقر (http://alduwaser.org/vb/showthread.php?t=33397)

لمحمد بن عيد المخاريم في ناصر بن صقر

هذه القصيده قالها الشاعر محمد بن عيد المخاريم
في الشيخ ناصر بن عبدالله صقر المساعره

انا في العشي عديت في عالية الاطوار=تعلويت في عالي طويل الحجا عصر
ودارت دواليب الضماير وجت الاشعار=وتنقيت من فيض المشاعر كما الدرر
والحمدالله ربنا الواحد الغفار=اله كريم يعطي العبد لاشكر
ومانيب منهو لالقى الطيبه بوار=ولاني بعد إللي من الطيبه قصر
نديبي على اللي تو ماوردوه اصفار=قبل تسعه والالفين من مصدره صدر
اليا جيت توه قلت حر نوى المطار=اشناقه صوايد حر وسهومها حمر
وكنه يصد يمين كنه يصد يسار=وصوته تقول يترجم الين والدولر
من العاصمه طوكيو على السفن له مصدار=تحدى صناعات البئمات والهمر
من الهضب يسرح قبل نور السفر ينطار=ويجنب جنوب يمة الوادي الاخضر
منصاه بيت مكرم الجار والخطار=ولاقيل منهو قلت ناصر بن صقر
تلقون شحم الحيل والدله ام بهار=وتراحيب قرم لانفاق ولا كبر
راع الطيب والطالات والمدح راع الكار=منصى الرجال بحزة الخوف والعسر
لاجاته كبار المواقف تصير صغار=قوي العزوم اللي رقى قمة الفخر
ومن طيب ساسه طاب راسه وطاب امرار=وبقا الطيب في قلبه كما نقش في حجر
وسعد النسيب وسعد ربعه طويل اشبار=حب الكرم يكبر معه كل ماكبر
نسل الرجال اللي لهم ماضي وأخبار=لهم يشهد التاريخ سطر ورى سطر
وتاريخهم لاثار عند البكار أغبار=لهم عزوة تعرف وعند العدو خطر
خيالة صخاف العشايرحماة الدار=اولاد مسعر عزوة الصهب والعفر
وستر العذارى لاختلف سترهن وطار=يشافون لاركبوا على قحم صفر
هل المح والناموس والموقف الجبار=ويستاهلون المدح والعز والقدر
وهم فخرنا هم عزنا والزمن دوار=وحنا لهم طول الزمن فخرٍ وذخر
لهم ترفع البيضل من الكون للأقمار=وعليهم سلام عد مايمطر القطر
وختامها صلوا على المصطفى المختار=نبيٍ رسولٍ بين الحق والذكر

ويستاهل ابو عبدالله جعل عمره طويل وصح الله لسان الشاعر