الشاعر المعروف فهيد المجماج :



الشاعر فهيد بن عبدالله المجماج من المزاريع من تميم وهو من سكان بلدة الأثلة في عالية نجد عاش بين الفترة من 1275إلى 1322هـ رحمه الله تعالى
من روائع شعره هذه القصيدة:

لا والله إلا شـدوا البـدو نـجـاع =كـلٍ هـدم مبنـاه وارتـد زملـه
شد الشديد وقربـوا كـل مطـواع=وراع المودة فـرق البيـن شملـه
شدوا ودنوا الحنـي كـل مطـواع=كل أشقح ما أحلى قرينـه ورملـه
غدا لهم فـوق الرفيعة(1)تمـزاع=واللي بغى يضرب طريق قسم لـه
وا بكرتاه اللي غدت بين الأقطـاع=مع زوعة العربـان ماينجهـم لـه
مدري مع اللي يم دخنه بالاسمـاع=وإلا مـع اللـي سنـدوا مستهملـة
لا هيب لا حاشي ولا هيب مرجاع=عفرا فتاة وراعية مـا وسـم لـه
راعي هدب عينٍٍ مظاليل ووسـاع=سود عيونـة والمحاجيـر جملـه
وراعي مجاديلٍ مشطهن يجي بـاع=أشقر على هاك الردايـف يعملـه
ياغصن موز ناعـم لـه تمريـاع=ومنين ماهب الهـوا مـال حملـه
عليه ماوقفـت عيونـي بالأدمـاع=وهجس إن يلحقني على الطول سمله
أعوي عوا ذيب ورا النزل لاجـاع=يقنب إلين الله يجيـب اللحـم لـه
يامل قلب من هوى زيـد ينصـاع=كما يصوع الصيد رام خطـم لـه
حبه يخج القلب ما يوجـع أوجـاع=لاشك قلبي مودعـه بيـت نملـه

(1)الرفيعة بئر زراعية للمجماج اشتراها جد الشاعر عام 1212هـ عندما قدم للأثلة

هذه القصيده كما هو موضح كثيرا مشهوره واعجبتني فأحببت ان انقلها لكم لعلها تنال اجابكم

ولكم مني كل احترام

رحم الله الشاعر فهيد المجماج المزاريع

ابن فادر لاهنت

واشكرك على الاختيار الطيب

وتسلم ويسلم غاليك

تحيات اخوك


ابو عبد الله الشكري