سر ياقلم واكتب بيوتي على عـاج=في مـدح شيـخٍ متعـبٍ لدلالـي
هو قلبي النابض وهو للفخر تـاج=هو فوق راسي رافعـه دوم عالـي
دايم كلامـه يلتطـم كنـه امـواج=علـى المسامـع ثقلهـا كالجبالـي
فزت بثلاث نجوم زود على التـاج=فيك الكرم عديت وصف الخيالـي
ياكيف لي ما افخر وانا ابوي فراج=تضربـه الامثـال عنـد الرجالـي
هو للكرم والطيب حطـوه منهـاج=تنفق يمينه مـا اجهلتـه الشمالـي
هو السند لا جـا زمانـي تعـراج=وإن كشرت بالوجه سـود الليالـي
وسط الجماعه منبع النور وسـراج=شاعر حكيـم وحكمتـه بالعدالـي
من لابةٍ بالذكر شـاع اسمهـا لاج=افعالهـم تثبـت كــلامٍ يقـالـي
بشكي عليك الحب والعقل مرتـاج=تكفى يابـو خالـد ترفّـق بحالـي
يوم الشعر في خاطرك دوم لجـاج=ولك بالهوا والحب درب ومجالـي
غديتنـا فـي الحـب خبـلٍ ودواج=وعشق العذارى زاد فينـي خبالـي
محتاج منك النصح في الحب محتاج=ولابي تقول اترك دروب الهوا..لي
بقولها يابوي وش لـي والاحـراج=كانك تحسب ان الهـوا ماطرالـي
لولا ضلوعي تمسك القلب بسيـاج=راحت به اللي شبه زول الغزالـي
ام العيون السود والرمـش دعـاج=والشعر تحت الردف زود هبالـي
نور القمر في خدهـا شـع وهـاج=وفي بسمته تفداه روحـي ومالـي
واليوم ابي حبي مثل حب الازواج=اللي خذا شَفّـه بشـرع وحلالـي
واليوم انا ضابط اقـود ام الابـراج=صنع اليهـود مجنـزراتٍ ثقالـي
باب الحرام ابغى يسكـر بمـزلاج=يابوي نصف الديـن هـو مابقالـي
ما اريد يمـي لشياطيـن مخـراج=وابغى تمتع ناظـرك فـي عيالـي
وختامها ياللي لـه الخلـق حجـاج=تمد فـي عمـره سنيـنٍ طوالـي

ياكيف لي ما افخر وانا ابوي فراج = تضربـه الامثـال عنـد الرجالـي
هو للكرم والطيب حطـوه منهـاج = تنفق يمينه مـا اجهلتـه الشمالـي
هو السند لا جـا زمانـي تعـراج = وإن كشرت بالوجه سـود الليالـي
وسط الجماعه منبع النور وسـراج = شاعر حكيـم وحكمتـه بالعدالـي
من لابةٍ بالذكر شـاع اسمهـا لاج = افعالهـم تثبـت كــلامٍ يقـالـي