|
واطيري اللي كن متنـه ليـا طـار
قصيدة جزله من الشاعر : عبدرالحمن العطاوي
واطيري اللي كن متنـه ليـا طـار = متن الفريد من الحمـام السـوادي أشقر ولع ريشه كمـا لهبـة النـار = متفهق الجنحـان والصـدر بـادي مثل العديم اللي يبـي ياخـذ الثـار = واسرع من الشيهان عجل المعـادي ليت الطيور استتبعـن درب جـزار = ولاغدى شقـران طيـر الهـدادي أقفى وعقب لي من الغبـن تذكـار = الله يغلـه كيـف يجـرح فـوادي ماشفت انا مثله على كـف صقـار = من غير فعلـه مالوصفـه مـلادي ماهوب سباط علـى الكـف سمـار = لياشاف برقا الريش تـل القيـادي غمار يفضي الجو بالمتـن غمـار = من عجل ملحاقه ليـا هـد صـادي النادر اللي له على اهل الولع كـار = من شاف فعله كـب درب العنـادي ماهوب من لاهور ديـرة علـم دار = شبك الجزيره من طيـور الحمـادي صحيح من سمى الوحش يابو مختار = يازان فعلـه قـال راعيـه غـادي |
رد: واطيري اللي كن متنـه ليـا طـار
اخوي راشد
الله يعطيك العافيه على نقل قصيده من جماليات القصيد التي قيلت في الطير والولع بالطير والشاعر عبدالرحمن العطاوي شاعر غني عن التعريف واخيرا تقبل مروري وفي انتظار طرحك القادم دمت بود |
رد: واطيري اللي كن متنـه ليـا طـار
المسعري
الله لا يهينك وما تقصر على الرد |
رد: واطيري اللي كن متنـه ليـا طـار
صح السان الشاعر/عبدالرحمن العطاوي
ويعطيك العافيه على طرحها ولاهنت تحياااااااااااااااااااتي |
الساعة الآن 04:38 PM
 |
Powered by vBulletin® Copyright ©2000 - 2025, Jelsoft Enterprises Ltd.
---