البارحـه قلبـي تزايـد خفوقـه=ماذقت انا الامراح في كـل ليلـي
من هاجس ٍ عرف النشاما يشوقه=عرف القروم تجارتي مع حصيلي
المرجلـه عشاقتـن ومعشوقـه=وعشاقهـا دايـم قوييـن حيلـي
والا الـردي لاهامـش مايطوقـه=يبي المراجل مير ساسه بخيلـي
الطيب سنـدا كايداتـن طروقـه=ويسهلـه ر ب العبـاد الجليلـي
راع المراجـل بيناتـن حروقـه=ماهوب صعب ٍ مير قدهو عميلـي
يالله يامنشـي تكاشـف بروقـه=يالي على جميـع خلقـه وكيلـي
الي نـوى مـن نيتـه لاتعوقـه=معزوم ومسيـر وقلبـي دليلـي
لامن مشى يالله تحسـن وفوقـه=ماشي وبآم الدوم يبغى المقيلـي
حنا الدواسر مسيرينـن للروقـه=معارف ومنهم صديـق وزميلـي
ربع ٍ يوفـون المسيـر حقوقـه=يحطون له فقار حشـو ٍ وحيلـي
فقار حشو وضان والسمن فوقـه=وكل الحضور مصدقيـن لقيلـي
قومن على فعل المراجل سبوقـه=محد ٍ سبقهم فالعرب مستحيلـي
حماية البل والضعن يوم سوقـه=يوم القنا والحصن تصهل صهيلي
مرو على الخراص واكلو ريوقـه=على الطريق مسبلينـه سبيلـي
ترثة حـرار ٍ معنزينـن عموقـه=ولايغترب جي الاصيل من اصيلي
بياعتن للـروح لاحمـي سوقـه=يبعونهـا لـو ان ثمنهـا قليلـي
كم ذود مصلاح ٍ تشفـق غبوقـه=اقفوا عليها ميبسيـن الصميلـي
هاذا ولانقصر حـدٍ مـن حقوقـه=كل القبايـل يفعلـون الجميلـي
لامن قلت فـلان محـد ٍ يفوقـه=ولين فعـل فـلان فعـلآ مهيلـي
ويحرم علينـا زادكـم مانذوقـه=الان حصل موعد ٍ ولـه كفيلـي
صديقـي ازوره زيـاره صدوقـه=ابا ليـا منـي عزمتـه يجينـي
نعزمك في غرس ٍ كبـارٍ عذوقـه=بواد الدواسر وسط غرس ٍ ضليلي
وسط الزباير بين عالي عروقـه=جنوبي الهضب وشمال السليلـي
تستاهلون الـي كبـار ٍ شنوقـه=الي شحمها في ضهرها حويلـي