|
حاجةٍ في نفس يعقوب
السلام عليكم ورحمة الله وبركاته :
أبيات متواضعة من الجديد , أتمنى لها بعض القبول : . . .
الهنوف اللي تغيظ المزاييني=في زحام السوق ماداجت اخطاها .ودّعتني في بدايات ( عشريني )= وأتركتني واحدٍ من ضحاياها قالت : " اصبر ! " قلت : " صبري مخاويني= من بداية رحلة العمر لأتلاها " ويوم قفّت وأشهب الليل ضاويني=ابتسمت وعبرتي في حناياها قلت : " روحي في طريق المحبيني=مع مراح مقيط في البير وارشاها آتسلى وأرجي الله يسليني=والضماير يعلم الله ببلواها سالفة عشقٍ قديمة تباريني=مامحت الأيام في القلب ذكراها واستقر الوضع من ( عام الألفيني)=واتعظنا واستعضنا بشرواها أختها جتني على أول ( ثلاثيني)=في تواصيف الحسن كنها إياها كنها وضحاً قناها ( ابن قرنيني)=في المزاين يطرب البال ممشاها مرحباً من ( نجد) ل ( الحايط الصيني)=عدّ ماشفنا الكوراث وعشناها قالت : " اصبر يا(ابن تركي) لبعديني=اجمع كْنوز الذهب ثمّ عطناها " وأيّني أجمع مهرها لذلحيني=الله يْكلّل جهودي بلقياها والعلوم الباقية بين قوسيني=يارسولي قل لها مانسيناها قل لها أني في ( بلد الإنقليزيني)=جعل همّال السحاب ايتعداها كلّما برّاقها لاح في عيني=وأرزم الراعد وهشّم رفاياها قامت العبره تزاحم شراييني=ودّها تظهر وعزمي تحداها طبعي وطبع الرجال العزيزيني=ماتدلّ دموعنا وين مجراها الله الله ياظهور البعاريني=ويش جاك مْن الحمول ونقلناها !! والطموح اللي على الغرب حاديني=(حاجةٍ في نفس يعقوب ) وأخفاها ليست الثروه وجمع الملاييني=وليست الشهره ولاباهر أضواها دام ربّي من غنا النفس معطيني=ماترجّيت العباد وعطاياها وشهرةٍ يقدر عليها المجانيني=استوى فيها أطيب الناس وأرداها عارفٍ قدري ولا أحدٍ يوصيني=الثقة في النفس شيّدت مبناها أزرع أحلامي وتزهر دواويني=وأسأل الحاجات من ربٍ أرهاها وحاجتي لاجاتني فآخر سنيني=قلت : " جعل اللي مضى كله افداها" والهروج العوج ماهيب تعنيني=أغلق أذني دونها وآتخطاها لوّه بيسلم من الناس شيئيني=كان سلمت ناقة الله وسقياها البشر في غيبة الوازع الديني=تحسب المتعة بكثرة خطاياها . |
رد: حاجةٍ في نفس يعقوب
وشهـرةٍ يـقـدر عليـهـا المجانيـنـي= استـوى فيهـا أطيـب النـاس وأرداهـا
الله الله دائماً وكما عودتنا بالإبداع تطل علينا بروائع جزليه مليئه بالحكمه والمعاني الجميله صح لسانك ياخوي فراج , وان شاء الله ترجع لبلدك وربعك وانت حامل ماتطمح به نفسك فسدد الله خطاءك وثبتّك على طاعته تقبل إعجابي |
رد: حاجةٍ في نفس يعقوب
صح لسااااااااااانك
قصيده اعجبتني لاهنت على طرحها و نطمع بالمزيد تحياااااااااتي |
رد: حاجةٍ في نفس يعقوب
الشـــاعــر الكبيــر / فــراج بن فهد آل تركي الشكره ما يحتاج اعيد واكرر الجزاله في دمك وانت مع من في القمه قمه الهرم الشـعري جزل جزل جزل جزل يا بو فهد بالله ما نعرف وش نعبر وش نقول خوفي من كثر ما اكتب يقولون عني منافق بختصر شديـد كل ما اردة ان اقراء شيء يسمى شعر ابحث عن ابيات بو فهـد انت العد القراح للضميان شعريا ً اخوك الصغير ابو زيد |
رد: حاجةٍ في نفس يعقوب
السلام عليكم ورحمة الله وبركاته :
بعض الإخوة الأعزاء ظنّ أنّ القصيدة غزلية فأود التنويه إلى أن القصيدة وإن حملت مظهراً غزلياً في بعض أبياتها إلا أنها لاتمت للغزل بأي صلة تذكر , هي مجرد رموز وإسقاطات لأحداث على الصعيد الشخصي , وبلاشك أن من أعتبرها غزلية فله كامل العذر في ذلك , ويظل المعنى الحقيقي في بطن الشاعر . وللجميع خالص التحية والإحترام . |
رد: حاجةٍ في نفس يعقوب
اقتباس:
مرحبا بأبوفهاد وصح بدنك , حقيقة لا أجد من عبارات الشكر والإمتنان مايعبر عن حجم تقديري لمرورك المشرّف وكلماتك العطرة , ولكن تأكد أنه إن كان هناك ثمة إبداع فماهو إلا نابع من حرصي الشديد على تقديم مايليق بذائقة وفكر الرجال أمثالك , فأنا ولافخر لا أنشر إلا بعض ما أكتب , وأرجو أن أكون قد وفقت في اختيار هذه القصيدة وغيرها , وإن رأيتم بعض القصور فلاشك أن مردّ ذلك نقص البشر المعتاد , وكرمكم يستره . كل الشكر لك ولحرفك على هذا المرور الذي أعتز به . |
رد: حاجةٍ في نفس يعقوب
اقتباس:
صح بدنك ولاهنت على المرور والتعليق وفقك الله لكل خير |
رد: حاجةٍ في نفس يعقوب
اقتباس:
مرحبا والله يا أبوزيد يعلم الله وحده بمقدار مكانتك الخاصة لدي , ليس من أجل متابعتك وتعليقاتك المستمرة التي أعتز بها وبصاحبها بالطبع , فأنا أدرك أنه لم يدفعك إليها إلا الصدق والنقاء والنخوة والشهامة والكرم , ولكن مكانتك لدي أكبر من حصرها في بضع تعليقات , فمن تابع ورأى مشاركات أبوزيد الغييثي يدرك أنه أمام رجل توافرت فيه أعظم وأرقى صفات الرجال متوشحة بحسن الخلق والثقافة والإتزان , تلك الصفات التي تجبر الخلق على احترام صاحبها وإجلاله . من أجل هذا وغيره تكرم ويكرم رأسك عن الكلمة التي أوردتها , فأجزم أنها لن تخطر على بال إنسان عرف أبوزيد , وإن حدث ذلك فالخلل في عقلية من قالها نسأل الله له الهداية :) لاهنت لاهنت ياأبوزيد وتأكد أن مرورك حتى بدون تعليق يكفيني لأني أعلم مافي خاطرك مسبقاً , والقدر في الصدر كما يقال . |
رد: حاجةٍ في نفس يعقوب
|
رد: حاجةٍ في نفس يعقوب
وشهـرةٍ يـقـدر عليـهـا المجانيـنـي=استـوى فيهـا أطيـب النـاس وأرداهـا الله الله يابو فهد على القصيده الراائعه جلست اتمعن في ابياتها ومعانيها والتي ان دلت دلت على اصالة صاحبها وجمال تفكيرهعـارفٍ قــدري ولا أحــدٍ يوصيـنـي=الثقـة فـي النفـس شـيّـدت مبنـاهـا والهـروج الـعـوج ماهـيـب تعنيـنـي=أغـلـق أذنــي دونـهـا وآتخـطـاهـا لـوّه بيسلـم مــن الـنـاس شيئيـنـي=كــان سلـمـت نـاقـة الله وسقيـاهـا تقبل تقديري واحترامي اخوك الصغير ولد ودعان |
رد: حاجةٍ في نفس يعقوب
صح السانك مليااااااااااااااااااااااااااااار يابوفهد
والله العظيم وباله الرحيم انك مبدع |
رد: حاجةٍ في نفس يعقوب
دائماً أقف عاجزاً عن التعبير تجاه قصائدك يابوفهد !!
فلذلك , ردي هذا لتسجيل الاعجاب والمرور وأنا اخوك :) صح لسانك مليون , ولا هنت ياصاحب الجزلات ( شكراً لك )!! استلم ردي السريع والمتواضع :
عاش ابن تركي على كل تدويني=عاش في بدع القصايد وأحلاها عشت يافرّاج دامك على العيني=في عيون الناس وانته محيّاها |
رد: حاجةٍ في نفس يعقوب
فراج بن فهد صح لساانك يالذيب وبيض الله وجهك على القصيده الطيبه تقبل تحياااتي |
الساعة الآن 06:16 PM
 |
Powered by vBulletin® Copyright ©2000 - 2025, Jelsoft Enterprises Ltd.
---