في هذاك الشارع اللي عـاش جـور الانحطـاط=شي ينّـدى لـه جبيـن المسلـم الـواع الغيـور
ناس تلعب بالدراهم والمواتـر طـاط .. طـاط=ازدحام ورقص واللي صـار تعطيـل المـرور
غرهم زود الفلوس وصحـة الجسـم .. النشـاط=مادروا بـان النشـاط يـروح ويجيـه الفتـور
والصبايـا لبـس خالـع وانحـلال ٍ بخـتـلاط=كامل الزينه .. ( تجيك ) .. وبافخم انواع العطور
عن طريق الحق شذوا عـن طريـق الانضبـاط=والتمكيـج صـار عـاده والسلاسـل بالنحـور
جيل همه كيف يلعب .. كيـف يمـرح بإنبسـاط=والدروب العوج صارت هم من حـب الظهـور
ناس تلعب بالحقايق .. نـاس تمشـي بالخـراط=ناس طارت بالحضاره .. والتحرر .. والغـرور
في هذاك الدرب شوفـوا كيـف تاثيـر الهيـاط=كيف صـار الهـم واطـي للانـاث وللذكـور
ويش عرّف راعـي ( BM ) معنـاة الحمـااط=ويش عرّف راعي ( الذيدان ) موقـع سلفـادور
تشتكـي روس المحابـر مـن متاهـات النقـاط=والحروف الصلع عاشت فـي دهاليـز الجحـور
والجنوز الزرق صارت فـي مصانعنـا تخـاط=والبلا منّـا و فينـا .. والعـدو جـاه السـرور
والزنا ذنب ٍ عظيم ٍ والبـلا صـار ( ........ )=والغناء زاد وظهر .. والكاس مطلـوب الخمـور
مثل ما قال الصعيدي ( مـا يفيدكـش العيـاط )=وهل يفيد الكسر جبر .. وما بقى غيـر الكسـور
وناس ما تلقى عشاها .. ناس مرقدهـا البـلاط=ان تعشت ما لقـت مـا تاكلـه وقـت الفطـور
فـي قوايـم مـا تريـده سجلـوهـا احتـيـاط=تنتظر جلب المعيشه ( خبـز يابـس او تمـور )
مابقـى بعيوننـا دمـع .. وتقطّعـنـا سـيـاط=معتدي في كـل لحظـه ينفجـر فينـا ويثـور
السقوط المـر صـار ولا بقـى غيـر انسقـاط=جيـل ضيّـع مجـد امّـه بالتعاطـي والسفـور
من حـدود الكوفـه ليـا حـد طنجـه والربـاط=كل يوم نـذوق طعـم الـذل وتزيـد الشـرور
الحريـري راح واللـي جـاك بعـده جنبـلاط=وطعم لـب الفاكهـه مخلـوط طعمـه بالقشـور
مـن حزيـران المسمّـى نكبـة العالـم شبـاط=طاشت عقول العرب والضيق كامـن بالصـدور
من تمادى في طريـق الغـي واوغـل بإنخـراط=في طريق المغريـات السـود ودروب الفجـور
يذكر الموت وعـذاب القبـر وحـدود الصـراط=ويش عذره فـي نهـار ٍ فيـه بعْثـرت القبـور