يا ليت هم الحشى ينزاح بالضحكه=و يا ليت عين الشقا ترفا على حالي
اضحك واجامل دقايق ابغي الفكه=من همي اللي طغى واصبح علي والي
كنه شرا صدري وقلبي غدا ملكه=يسرح ويمرح ولا ينشد ولا يبالي
لا قلت روّح لصدر غيري و حكه=يقول مالي و مال مجمع المالي ؟
هذاك رجل ٍ يغرف المال من بركه=مالي مجال ٍ أحكحك صدره الخالي
أحد ٍ همومه في جل شعره و علكه=حبيّب أمه حشى ما حكه الصالي
و أحد ٍ همومه في مهر عرس ٍ و شبكه=و أحد ٍ همومه على طار و موالي
و أنا همومي على الظلعين منصكه=ما قمت أميز من اللي جالس قبالي ؟
حتى رفيقي غدا في رفقته شكه=و ضاعت عزاوي هل القولات والقالي