بسم الله الرحمن الرحيم


الحمد لله على احسانه والحمد له على توفيقه وامتنانه ,,,,,,,,,,,,,,, اما بعد,,


انا اليوم وانا اقرأ في احد الكتب قرأت قصه وبصراحه حبيت انقلها لكم وانا بصراحه ما ادري

اذا كان احد قد نقلها قبلي او لا وان كان فالمعذره ممن سبقني المهم ـــــــــــ

القصه

هذا طول الله اعماركم كان فيه واحد سكران وراقد جنب غدير المهم وكان فيه رجالين

يمشون وشافو الرجال من بعيد ودرو انه سكران المهم وهم يناظرون في الرجال الا

وعلى الطرف الثاني من الغدير فيه ((عقرب)) والرجلان يناظرون العقرب (( الله يستر))

الا وذاك الضفدع اللي يجي جنب العقرب ويحتريها ترقا على ظهره وفعلا رقة فوق ظهره

والضفدع يمشي بها ((يقطع بها الغدير يم السكران)) و الرجلان يناظرون وهم يناظرون

الا فيه حية في طريقها للسكران ويوم رقة الحيه على السكران فوق بطنه تبي

تلدغه الا والعقرب تنزل من الضفدع وتتجه يم الحية وتلدغها ((طبعا الحيه ماتت))

والعقرب ترجع تركب على ظهر الضفدع ويرجعها لمكانها


الا والرجالين راحوا يم السكران ويقومونه

قم


قم


انت وين والموت توا فوق بطنك لولا رحمت الله بك لمت

المهم علموه باللي صار !!

الا والرجال يقوم من عندهم بيمشي وهم يسألونه ويييييييين؟؟

قال : إلى طاعت الله

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ترا القصه حقيقيه قراتها من كتاب ((موسوعة القصص الواقعية))


و السلام عليكم ورحمة الله وبركاته