البارحة يوم الكواكب سوابيح=وأنا عيوني نومها معتزلها
بين الكرا والعين حالة سواميح=وادبل كبدي مير شي دبلها
مالا أشتهته السفن تجري به الريح=مالت ولكن ربك اللي عدلها
يالله برأس المال مابغى المرابيح=الله يجازي كل نفس بعملها
مايدري أن بيبان ربي مفاتيح=اللي بيبان افراج ربي قفلها
ياللي على وجهك بدالي ملاميح=ضغاين قلبك عليّه حملها
حاول تصلح كان يمديك تصليح=مامدته يمناك تاخذ بدلها
حنا زرعنا الطيب زرع الفلاليح=طبع عليه نفوسنا الله جبلها
عن بعض الأشياء نشوم شومة شليويح=ماضاعت الأرزاق والله كفلها
هاماتنا لغر السحايب نواطيح=وهمّاتنا مات الردي ماوصلها

المشاركة الأصلية كتبت بواسطة فالح بن فهاد (المشاركة 348075) لاهنت ياشافي على النقل المميز لك الشكر الجزيل

المشاركة الأصلية كتبت بواسطة المهلب (المشاركة 348111) أخوي الغالي / شافي المخاريم ,,,,,,,,لاهنت على حسن الأختيارلهذه القصيده الجزله, وصح لسان الشاعر الجزل / مشبب بن عرنان المخاريم ,,,,,وتقبل مروري وتقديري .

المشاركة الأصلية كتبت بواسطة غلا نجد (المشاركة 348133) حـنـا زرعـنـا الطـيـب زرع الفـلالـيـح طــبــع عـلـيــه نـفـوسـنـا الله جـبـلـهــا عن بعض الأشياء نشوم شومة شليويح مــاضــاعــت الأرزاق والله كـفــلــهــا هامـاتـنـا لـغــر الـسـحـايـب نـواطـيــح وهمّـاتـنـا مـــات الـــردي مـاوصـلـهـا صح اللسان من نظمها وسلم لنا فكرك وقلمك بيض الله وجهك على القصيده الرائعه دمت متألقا ومبدعا احترامي وتقديري

المشاركة الأصلية كتبت بواسطة ابو فهد الغييثي (المشاركة 348141) صح السان الشاعر والله يعطيك العافيه على طرحها ويبيض وجهك

المشاركة الأصلية كتبت بواسطة تناهيد! (المشاركة 348221) بيض الله وجهك على هالطرح الرائع لاهنت ..... تقديري لكـ

المشاركة الأصلية كتبت بواسطة راشد المسعري (المشاركة 348426) الله الله صح لسانك ياشافي ولسان الشاعر القدير مشبب بن عرنان المخاريم بيض الله وجهه ووجهك على القصيدة الجزلة

المشاركة الأصلية كتبت بواسطة مطلق ا لمخاريم (المشاركة 356266)