لله در الشعر له عندي جميل=أنا مدين له وصرت معامله
أحيان اعبربه كثير في قليل=وأحيان فيه الحرف قصه كامله
سحر البيان اللي له عيوني تخيل=واعزومي اللي في دروبه صامله
القى به الهامي ولا ابغا له بديل=صديقي اللي له مزايا شامله
أنادمه عن مجتمع قال و قيل=لاهو مجاملني وانا ما اجامله
هذا زميلي كان باقي لي زميل=أنا كفيله ماتجيه الخامله
يكفيني انه لاطلبته مستحيل=مامد لي بالشح روس انامله
عوايده بالطيب والحرف الجزيل=هذا وسام الشكر لأجله حامله
وأذا نويت الجرح يالليل الطويل=تلقى المعاني فالمشاعر هامله

المشاركة الأصلية كتبت بواسطة فيصل بن جزاء (المشاركة 345433) صح لسانك قصيده جزله من شاعر جزل تقبل مروري

المشاركة الأصلية كتبت بواسطة نجــــــــــديه (المشاركة 345439) اللة اكـبر وفيت ولاهفيت شي جـميل ان ارى مثـل هـذا الابـداع المـدعوم بالشـفافية وقـوة الطـرح ..وبالذات اذا كان من (شاعر) فذ .. حرووفك متميزة جداا وقـصـيدتك جـداً مـؤثره معبره وتشبيهك الشعر بالصديق الوفي اللي مايخذلك ساعة الحـاجه.. كـلـمات خاطـبت الوجدان بحـرقه.. لك كل الشـكر على هذا الوصـف والتعـبير وفي طريقـة الاخراج.. اسجل لك الاعجاب بلغة الشعور الصادق والى الامام ... .. وتـستحـق التـميز .. .. سـلمت يمـينك بكل مـا خطت .. .. نحــن بانتظــار القــادم من ابــداعك

المشاركة الأصلية كتبت بواسطة مبارك الخييلي (المشاركة 345447) سلمك الله صح ألسانك وعتلى شانك وبيض الله وجهك على الأبيات الجزيلات تقبل شكري والتقدير

المشاركة الأصلية كتبت بواسطة ابو فهد الغييثي (المشاركة 345461) صح السانك والله يعطيك العافيه على القصيده الجزله والرائعه

المشاركة الأصلية كتبت بواسطة فهد بن هادي الغريري (المشاركة 345478) اخي العزيز والشاعر المبدع صاحب اعذب القوافي واجزل القصيد " حسن بن عبدالله البطحية" صح الله السانك وعتلا شانك وزادك الله في مقامك واثابك خير الثواب. ابوعبدالله لقد حلقت بنا بهذي القصيده في سماء عذب القوافي واجزلها لقد طرب الفؤاد لهذي القصيده وجاش القلب لها بما تحتوي من سهولة المعاني وانتقى افضل الكلمات التى زادتها رونق وجمال. ابوعبدالله كفيت وفيت جعل من ارثك في الجنه دايم علومك غانمه جعلك تحيا تقبل فائق تقديري واحترامي واعتزازي واعجابي في قلمك السيال

المشاركة الأصلية كتبت بواسطة السيف دايـم (المشاركة 345509) بيتين عن معلقه... صح لسانكـ .. دمت لنا ودام همس قوافيكـ.. تقديري...