::: مـنتدى قبيلـة الـدواسـر الـرسمي ::: - قصيدة في تخرج الفوج الثالث بالحرس الوطني

- :: قسم مناسبات وأخــبار الـدواسـر :: (http://alduwaser.org/vb/forumdisplay.php?f=14)

- - قصيدة في تخرج الفوج الثالث بالحرس الوطني (http://alduwaser.org/vb/showthread.php?t=29682)

قصيدة في تخرج الفوج الثالث بالحرس الوطني

قصيدة قالها المرحوم الشاعر حسن بن عرار بن تركي الخريم في تخرج احدى دورات الفوج الثالث.

بدينا بذكر الله تعالى عظيم الشان = ولاخاب مبدا من بدابه وحيابه
عظيم الجلال وكل ماراد بامره كان = عليم الخفا اللي مابعد خاب طلابه
هلا مرحبا ترحيبة عطرها ريحان = تحية وفا بالصدق ماهيب كذابة
عدد ماشد ورق تهزع على الاغصان = ومن كل طرق بالغنا جابله جابه
في وسط بستان تمايل به العودان = مدري طرب مدري من الولف منصابه
بالله حضر حفل يكرم به الظفران = زدنا شرف باللي حضر واحتفينابه
على راس امير الفوج دستورنا القرآن = ونحكم بشرع الله ونطبق كتابه
بسنة نبي جاهد الكفر والطغيان = هدانا على امر الهدى واهتدينابه
له الشكر والتقدير زود بلا نقصان = بطيب على كل السرايا غمرنابه
أمير على ساس الأمارة من الجدان = وذكره على مر التواريخ يدرابه
وأثنّي جزيل القول والشكر والعرفان = على الرايد اللي قادنا واقتدينابه
مع القادة اللي دربونا بها الميدان = قوادنا اللي للثنا دوم كسابة
سلام لهم منا عدد وابل الودان = تراكم سحابه يوم ربي ومرها به
انا بانصح اللي مذهبه يقبل النصحان = لعل القوافي تبلغ القصد واسبابه
دواسر وقحطان مع حرب والسبعان = جمعنا الوطن في وا جبه واجتمعنا به
قبائل بني شهران وبقوم والعتبان = وكل القبائل سلّم الطيب ترقابه
حب الوطن يجري مع الدم فالشريان = ونرخص له الأعمار في السوق جلابه
لامن دعى الداعي شباب مع الشيبان = فلامنهم اللي لاامرها بيتباسابه
قلته وانا من لابة لا اعتلا دخان = لها كلمة يوم الجهل حامي نابه
من لاد زايد خص واقول من الخوران = والجمعنا لاغوّر الهوش مضرابه
وقتٍ عوابه في سنين مضت سرحان = ليامن حضرنا الحرب يزداد مشهابه
نروي ضما اللي بالخطا غرّه الشيطان = ونارد حياض للفنا ماحسبنابه
نعطي القدا للي يبي الحق بالميزان = وكم عايلٍ قد كدّروا صفو مشرابه
ترى المرجله ضلع عسير على الرديان = يكون الذي في دربها يتعب اركابه
وصلاة ربي عد ماغاب نجم وبان = على المصطفى خير المخاليق واصحابه