بسـم الله اللـي واحـد(ن) مالـه شـريـك=الـقـادر الـلـي مــا خـسـر مــن شكـالـه
الــلــي يــحــل مـعـقــدات الـشـرابـيـك=سبـحـانـه الـلــي كـــل خـلـقـه تـسـالـه
الـلـي خلقـنـا لــه عبـيـد (ن) ممـالـيـك=وارســل رسـولــه للـبـشـر بالـرسـالـه
ثــم بـعـد ذا ياغـافـل الـقـلـب نـاصـيـك=قولـي زجــاوب مــن طرحـلـك سـؤالـه
ياغافـل (ن) مالمـوت ماهـوب ناسـيـك=لابـد مــن يــوم (ن) تصـيـدك احبـالـه
وش عـذرك اللـي بتذكـره عنـد واليـك=لا قـيــل ذا قـولــه وهـــاذي اعـمـالــه
يــا سامـعـاً للـقـول فـتـح لــي أذانـيـك=بنصحك مـن قلـب (ن) صلاحـك منالـه
مـن خمسـة أشيـاء خلهـا لــو تنـاديـك=فــي مخالفـتـهـا تـسـعـد ابـكــل حـالــه
إبلـيـس والصـاحـب ونفـسـك تمـنـيـك=وطول الأمل وايضا الهواء هي الجهاله
أغنـم زمـانـك يافـتـى قـبـل مــا يجـيـك=راعــي الـوداعـه ثـــم يـاخــذ حـلالــه
إلـيــك مـــا قــدمــت زاد(ن) يـنـجـيـك=لاجيت قبر(ن) موحش (ن) وسط جاله
ما عندك أحـد (ن) مـا القرابـه يسليـك=ولا بعـيـد (ن) يـرحـمـك مـــن هـيـالـه
ثـم جــاك مــن وكــل بقـبـرك يناجـيـك=عــن ربــك وديـنـك وطـاهــا سـؤالــه
أما عرفت وفـزت واصبحـت فـي ذيـك=فـــي جـنــة قـلـبــك يـحـصــل مـنـالــه
وإلاغويـت وصحـت لا شفـت ناصـيـك=جمـر (ن) يـذوب مـا قسـى مـن جبالـه
هـذا بعـض مـا قيـل واسمـع موصـيـك=تـــرا الـعـمـر مـــا بـاقــي إلا حـثـالــه
والـيـوم فـكـر قـبـل مــا تــزل رجلـيـك=وتبكي على عمر (ن) فنا فـي الجهالـه
إلـى متـى والنـفـس وأبلـيـس تدعـيـك=وإلا الخـسـاس الـلـي تـحــب الـرذالــه
الـلــي عـلــى درب الـمـذلــه تــوديــك=كـم واحـد (ن) مـن قربهـم شـان فـالـه
أهــل الـحـرام الـلـي تبيـعـك وتشـريـك=مــا همـهـم غـيــر الـطـمـع والسـفـالـه
الـلـي تــدور لـــك فـســادك وتعـطـيـك=مــن شــان مـالـك كـنـك أغــلا عيـالـه
يخدعـك فـي قـولـه وهــو مــا يدانـيـك=وتــراه مــا يـومـن عـلـى بـنـت خـالـه
فالـحـر مثـلـك مــا يـوقـع مــع الـديــك=الـلـي يـعـاعـي لـــك وقـصــده نـذالــه
الـلـي يـبـي شـــر (ن) تـبــلاه يـاتـيـك=وتنـزل عـقـب عــزك بـوسـط الزبـالـه
رافــق ارجــال (ن) للمعـالـي تـوديــك=الـلــي تـــردك مـــن دروب الـضـلالـه
هـم مـن عـرف مقصـد حياتـه ونبـيـك=عـن نهجهـم بكتـب لشخـصـك رسـالـه
هـم مـن علـى منهـج رسـولـك تقـديـك=والـدلــك لـطـاعــة عــزيــز الـجـلالــه
رب (ن) ابتالـي الليـل يـقـرب ينـاديـك=ويـقـول ويــن الـلـي يـبـي لــه كـفـالـه
كفـالـتـه تـغـفـر اذنـوبــك وتـرضـيــك=وتـوبـتـك شـــرط الله وحـلــل حـلالــه
تـب مـن الذنـوب وخـل درب التهاليـك=وأزبـن لمـن هـو مـا هلـك مـن لاجالـه
طـاعـة ولـيـك عــزت الـلــي ممـالـيـك=والـلـي عـصـا ربــك ذدى الــذل فـالـه
فطـع مـن نفـخ روحـك وفـصـل يـديـك=وأكـرمـك يالإنـسـان وأنــت أتعـصـالـه
وصل الصلاة الله علـى الرشـد يهديـك=والـولـديـك مـــن الله أكــبــر حـمـالــه
أمك تراهـا اللـي تعبـت الجـل ترضيـك=وقامت بـك ونفسـك علـى أخـس حالـه
وابوبك كم يوم (ن) تعب لـك ويرجيـك=لاكــبــر تـكـفـبـه الـعـنــاء والـعـبـالــه
والمـال عـنـد الله لــه احـسـاب قافـيـك=ويـاويـل مــن فـــرط حـسـابـه بـمـالـه
والصـوم ركــن واجــب عـنـد محيـيـك=والـحـج مـثـلـك لـــه يـجـهـز أرحـالــه
ولا طـابــت الـنـيـة فـــلا الله مخـلـيـك=ويوم الحشر كل (ن) أصدقتـه أضلالـه
والمجلس اللي فيه شـف ذاك مـع ذيـك=لا تـدخـلـه ولا تـجــي مــــن أرجــالــه
علـيـك بالـلـي مجلـسـه ذكـــر والـيــك=ذكـــر الله وطـاهــا وصـحـبــه وآلــــه
وأحـذر مـن الأجــرب بقـربـه يعـاديـك=أبعـد عنـه وطلـب مـن الله السفـاء لـه
والـبـارحــة مــــا نـمـتـنـا مـدواكــيــك=سهـرتـنـا كـنــي غـريــب (ن) لـحـالـه

وسلامتكم...