اصبر بصبر اللي تزيد بلاويه
 

يا اللي علي تبدي كبـار المشاريـه
المـوت والله خـابـره ماخبـرتـه

أصبر بصبر اللـي تزايـد بلاويـه
تسمع بصبر ايـوب؟ أنـا صبرتـه

والحزن قبلك في حياتـي مخاويـه
كم ليـل قدامـك وبعـدك سهرتـه

كم ليلتن يسهـر عيونـي وتبكيـه
مافيـه شـي إلا عشانـه عبرتـه

الحب ماهو بـس لبيـه يـا هيـه
الحب أكبـر مـن كـلام" حصرتـه

أن كان خلك ظلـم الاقـدار حاديـه
فالعفـو عنـد المقـدره لا قدرتـه

يمكن مـع الايـام زلـت خطاويـه
وأنت السبب يمكن بفعلـك جبرتـه

هذي نصيحـه كـان ودك تحاكيـه
شف ويش موضوعه ويمكن شكرته!

يمديـك باللـي لابغيتـه تسـويـه
والامر يرجع لك إلى مـن هجرتـه

لا تخسره وتقول عقبه أنـا ابغيـه
ولا تقول بأنـك لا هجرتـه قهرتـه


للشاعر / حمد آل جميله

اخوكم براك السديري

رد: اصبر بصبر اللي تزيد بلاويه
 

صح ألأشان الشاغر حمد آل جميله



وجعل يمين قرم السديري سالمة



وبيض الله وجهك على النقل



تقبل شكري والتقدير

رد: اصبر بصبر اللي تزيد بلاويه
 

لا هنت يا براك علي عرض هذه القصيده

صح ألسان الشاعر حمد آل جميله..

وفقك الله..

رد: اصبر بصبر اللي تزيد بلاويه
 

صح السان الشاعر ويعطيك العافيه على الطرح

رد: اصبر بصبر اللي تزيد بلاويه
 

صح لسان الشاعر

ولا هنت على النقل