هات القلم باعطيك صافي مقالي=واكتب قصيد(ن) للرهيّف يغنى
الصاحب المجمول عذب الدلالي=اللي على قلب المعنى تجنى
اللي خذاه البارحه بالمهالي=عليه تالي الليل جريت ونا
هو مستريح(ن) بالكفايف يشالي=وله صاحب(ن) في بلشته مرجهنا
ساق الجزال ولاحصل له منالي=مقرود حظ بفرحته ماتهنى
يصفق بيديه وهات ياهملالي=والحظ زل معَجل(ن) ما تونى
يا ضيقتي من حالتي عزتالي=دندن علي الليل والصبح غنى
وانشدت طاروقي على ماجرالي=علي على قصر اليدين استكنا
كودي عليه اطري ليا جا مجالي=وغاديه من عَسر الجفا يرفقنا