أنا البارحة ما امسيت يوم العباد رقود = هواجيس فكري تالي الليل شغاله
تخالف على حوض الضماير تقول ورود = إلى وردوا عد مقامه على جاله
ويلج صدري لج خلجٍ بوسطه ذود = تلاحن بصوت يشحن اللي توحى له
أكايد همومي مير أشوف الهموم تزود = وأنا اللي في رجا اللي حالة العبد تشكى له
جزيل العطا رب الملا يدرك المقصود = ولا خيب اللي يرفع يديه ويساله
هو المحيي المغني الوالي المعبود = كريم غني تعطي الناس من ماله
وسبحان من بأمره يسير هبوب النود = وينشي بنون راكدٍ يمطر خياله
يسهل لي أمري ما به أمرٍ عليه يكود = ويفرج لقلبٍ حطه الهم مدهاله
وبرسم بيوت الشعر والجود من الماجود = وبرسل لابن عيسى على رقم جواله
يا عبيد راسلني لي وعجل لي المردود = ترى ينفع المسجون لا جاته رساله
أحب الرسايل من صبي الوفا والجود = شوقني بيوته وقافه ومواله

أنا البارحة ما امسيت يوم العبـاد رقـود=هواجيـس فكـري تالـي الليـل شغالـه