بسم الله الرحمن الرحيم


( قصيدة قلتها منظومة ليه )


الشيخ شيبان بن بادي بن قويد المسعري الدوسري رحمه الله ، فارس معروف اشتهر بالشجاعة و الإقدام
و الكرم وهو شاعر مبدع و حكيم و متصف بسرعة البديهة و إصابة المعنى له غزوات و غارات قبلية كثيرة
قبل حكم الملك عبدالعزيز و استتباب الأمن و لله الحمد ، و شارك مع الملك عبدالعزيز في كثير من
فتوحاته و معاركه ، وله قصائد منها :

قصيدة قلتها منظومة ليه = قول مليح على أولها و تاليها
المرجلة ما تجي بيع و مشريه = يكون من يضرب الداني و قاصيها
المرجلة من على الجدان مبنيه = فعل و جود و عاصم شورهم فيها
غير الثلاثة ترا الباقين كوليه = سر كالي الناس قاصرةٍ يمانيها
اللي يتعمل و هي من أصل جديه = الله يعينه عليها و لا يخليها
ورث لجده و ابوه تسير عاديه = وهو محل لها و يصير راعيها
الله يعينه عليها في المعسريه = الضو تاكل حطبها اللي واليها
بيت تجي فيه يظهر فيه ماريه = اللي لهلها مزينها مبانيها
من جن عنده تجي لتباعته خيه = قليب بدو و تورد في مظاميها
يقبل على بيته و يقفون رجليه = كنهم سباع على راسٍ بيسقيها
لا جا المسير لقي هيل و بريه = معا صحنها قدوع له بياريها
و ان جات هجن من الفرجة خلاويه = ثم نوخت عنده يرحب يعشيها
هذي سلوم العرب يا اللي لكم نيه = لا شبها نشمي يفطن لقافيها
و اذا تملل يعرضها الشريطيه = ياخذ ثمنها يبيع أو يشتري فيها

***

رياض
من الأدب الشعبي

جمع و تأليف
مبارك بن سيف بن غالب بن ذهيبان آل حميد الدوسري