ما كلِّ شيخ ٍ ذو جــلالـه بالعـرب يلـبـس عـبــاة=وما كلِّ من يلـبـس عـبــاتـه بالـعــرب شيخ ٍ جلــيـل
وما كلِّ خــلٍّ صـالـح ٍ في هـالــزمـن راعـي وفــاة=وما كلِّ من يرعـى الـوفـا في هـالــزمـن يصـلـح خـلـيـل
ومـا كلَّ (حــر ٍ ذو سـلاله سـاميـه ) يحـمـل صـفـات= ومـا كلَّ من يحـمـل صـفـات ٍ سـامـيـه .. حــر ٍ سـليـل
بالـنـاس تلـقـى لك رجـل يســوى حـمـايـل كـامــلات= وتلـقى حـمــايـل كـامـلـه ما تســوى رجـّـال ٍ قـلــيـل
الخـلـق : شـتـّى بالشــيـم .. والمـعـرفـه .. والمـنـزلات=امـثـال : لكـن بالأمـــور الـســالـفـه ماهــم .. مـثـيـل
لولا اخــتـلاف احــوالهـم ما بانـت احــوال الحــيــاة= ولولا اخــتـلاف عْـقــولهـم ما بان بالـدنـيـا هـبـيــل
ولولا اخــتـلاف اخــلاقـهـم ما شـفـت في (مـكــه) عصاة=شـفـت باصحاب المعاصي مجرم ٍ ذقنه طويل
أجناسهم متـفـاوته .. شـكـل وشـكـل .. واصـل وذوات= واهــدافـهـم أيضـاً بعد متـفــاوتـه .. ذات الشـكيــل
أحــد ٍ يســاهـــر هـمّــتـه واحـــد ٍ بـلا هـِـمِّــه يـبــات=واحــد ٍ غــنـاتـه عــزتـه واحــد ٍ من الـمـغـنى ذلـيــل
واحـد ٍ تكــوده (حـاجـتـه) واحـد ٍ (يـحــوج) الكـايــدات=واحــد ٍ تـمــلـّه غــايـتـه واحــد ٍ بـلا غــايــه مـلـيــل
واحد ٍ (ذهـب) في معـدنه واحد ٍ (عـدن) مابه غـنـاة=واحد ٍ (وقـح) واسمـه (حـسـن) واحد ٍ على اسـمـه دلـيــل
لله في خــلـقـه .. شــؤون .. ومـقـتـضـى .. لـكـن ســواة=واللـي يمـيـزهم فـقـط مـا يتركـونـه من حـصــيـل
أســوَأهـم اللي(لا هـجــيـتـه) بالأمــور الســيـئـات= ما كـنك إلا ّ من بخــل ما تـشــتـمـه ( تمــدح ) نـبـيـل
وافـضــلـهـم اللي( لا مـدحــتـه) بالأمــور الفاضــلات=كـنك ( هـجــيـتـه ) من بخــل ما تمــدحـه بامـر ٍ فضـيـل
لا خـيـر باللي ما يشــوف الفـضـل بالـنـاس الكـفــاة=ولا خــيـر باللي ما يـرد الفـضــل لاصـحــاب الجــمـيــل
عشـت الـقلـيـل وشـفـت في كـثر العـمـل عـين الـنجــاة= واللي يعيـش اكـثر يشـوف الـمــوت بعـيـون العـطـيـل
ما بـه ( عـمـل ) أقـسـى من الإضــراب عـن كسـب الـغـنـاة=وما فـيـه مـثـل العـجـز عـند المـقـتدر (يعمـل) بطيـل
يمـكـن يطيـق الشخـص ( مـالا يُحـتـَمَـل ) لجـل الحـيـاة=بس الحـيـاة ابْـلا عـمـل ( حـمـل ٍ) على الـفـاضـي ثـقـيـل
اشـغـلـت نفسـي بالرجـا .. والمرتـقـى .. والأمـنـيـات=واللي يـريـد الـمـرتـقـى لا ينـتـظــر صـلـبـه يمـيــل
أمّــا حــــيــاة ٍ فـي عــلــو .. والا ّ عـلــوٍّ بالــمــمــــات= والا ّ بـلاش مْن الأمـاني .. والـمـعـالي .. والعـويـل
بالـنـفس حـاجـه والـفـتـى يحـتـاج له أربـع سـمـات=الـعـزم .. والإصـرار .. والإقـبـال .. والصـبر الجـمـيـل
لا هــيّــنـه أسـهـل أبـد .. من اصـطـعــاب الـهـيّـنــات=ولا مسـتحـيل اصـعـب أبـد .. من امـتـهــان المسـتحـيــل
ما كـلـف الله نـفـس ٍ الا ّ وسـعـهـا .. قــدْر .. وثـبـات=وشــلـون ابـتـرك حـاجـتـي والأمــر في نفـسي جـلـيـل
مـا مـن سـبيـل إلا ّ وراه .. اهــداف .. ومْـــراد .. ومـنـاة= ومـا مـن مـــراد .. إلا ّإلـيـه بْكـل حـــالاتـه سـبـيــل
قـطـع يــدي إن مـا وطيت العرش واطربت الرواة= وابـصـم عشر .. تـنـطـح عشر .. إنـي على هـذا كـفـيـل