يا الله ياللي كريم عراك ماثوقه=ياغافر الذنب ياخلاق ياهادي
اطلبك ليل سحابه خايط فتوقه=كن التهامي حماره فيه منقادي
نوه عروض يشوق الناس ببروقه=واللي يشوفه يظنه ماقعد وادي
تفرج به اللي لجر الصوت مطفوقه=خطوات سودا سناد حجزها بادي
اثفاتها ماتحس البطن وصفوقه=مثل الفحل عينها في كل مقادي
فجحا من الرجل سودا اللون معنوقه=كن راسها بادي في الرجم بينادي
عريضة المتن تشرب كل مبنوقه=تركا نهل حوضها في يوم الارادي
ترزم الى أوحت صبيب الدلو مشلوقه=تفرع وتذرع ولا للضرب تنذادي
لاوردت هارب ماهيب ملحوقه=تزله وتمله لو ان حوارها غادي
تبرى لقب تورد كل مفتوقه=تقضع شكايم الاعنة تحت الاولادي
لا لحقوا البل على الدخان مسيوقه=مثل الحدايا بمركاض ومسنادي
تركض على الموت الحمر لا احتمى سوقه=لاجا لعج الرمك في الجو عمادي
والجيش ديست وقحص الخيل ممحوقه=والمنهزم مقطب تبلاه طرادي
تلافتت للعزاوي كل مشفوقه=وترايعت يوم توحي صوت الاجوادي
هذا منيع وذا الطير انتكس فوقه=وهذي قليع بطلع الحبل تنقادي
وان جا نهار يشوق العين بحقوقه=يوم عبوس يفتر دفر للأزنادي
صك الجمل بالحديد وركدوا سوقه=ينطح جموع تسير بغير عدادي
دواااسر كل فعل فعلهم شوقه =لآد زااايد هل الطالات والقادي
كم بندر محتمين بالقنا سوقه=مثل السليل مع الأفلاج والوادي