ياهيه حنا قبل عصر المفاليس
تاريخنا معروف بكل البقاعي
يوم الزمان الشين والخيل والعيس
وقفاتنا تشهد عليها السباعي
لو حاولوا تشويهنا شلة إبليس
ترى الثوابت ما يجيها ضياعي
والباب ما يقفل بليا ترابيس
ولا ينطح أهل الحرب كود الشجاعي
علومنا ما هي بخلف الكواليس
نمشي على وضح النقا ما نراعي
ربعي من ارض مكه لديار النواعيس
على عدو الله تشب الصراعي
وعلى راس الطفيلة كل ربعي نواميس
في ديرة هويمل طويل الذراعي
وبأرض السعودية لنا مجد ما قيس
ما يقدروا طمسه خباث المساعي
ويا شاري الصورة ويا مرهي الكيس
من فضل رب البيت ما حنا جياعي
ما يجهل التاريخ هويمل ولا فريس
تاريخهم ما يطمسوه الرعاعي
ربعي الهواملة سوات القرانيس
يوم الزمان الشين والأمن ضاعي