::: مـنتدى قبيلـة الـدواسـر الـرسمي ::: - معركة الفاو .. بين الوداعين أهل السليل وقحطان,,,

- :: قسم تاريـخ قــبـيـلة الــدواسـر :: (https://alduwaser.org/vb/forumdisplay.php?f=11)

معركة الفاو .. بين الوداعين أهل السليل وقحطان,,,

غاروا قحطان على راس عقيدهم أبن طلحاب يحيى ,,على أبل الوداعين أهل السليل ,,
واخذوا الابل واقفوا بها ,,,ولحقوها اهلها على راس الجبعه ابن خليف وأسمه إبراهيم بن مانع بن فايز بن خليف الوداعين ,, وجا بينهم كون عظيم ,,,,,,وفكوا الأبل وكسروا القوم ,,,,,,,فقال الجبعه ابن خليف :

شدو على الحرشا شداد وقربه = وزهبة أغلام للعدو ما يحايله
ساعة فهقنا الفاو لاحن نشوفهم = قد حن عصير وحقق الشوف زايله
فعصاني اللي ماسعد الربع شوره = يقول قلطوا الردفا على الماء تخايله
قلطنا الردفا على الماء فظيعوا = جبا العد وأثر الليل غبا نثايله
فساعة وردنا العد إلى الربع فوقه = ولاكل منهم معلقن في ذبايله
فيافاطري معهم مطارق شواحط = من ضربها قلب الردي جال جايله
وأنتي حياض الموت بيتاردينه = ومن ذلتي من مجلس(ن) ضال ضايله
فنطحني يحيى في مقدم القوم كنه =مثل الجمل الهايج هدودة شوايله
عطاني سنان الرمح ثم صاب فاطري = ويحري ابعقرتها منجي زمايله
فرديت لهندي كما نوض بارق = محنيه من دمي العدا في كتايله
فلولا الفرنجي حطت السيف حاكل = ما منهم اللي راح ينقل سلايله
لولا ابن طلحاب تنجا شرايد = وكلن ترجا نفعة من قبايله
ايمنوني أقوال إلى من بغيتها = غدة مثل حلم الليل يمحاه قايله
فيا عايض اركب من على منجوبه = امحيله عامين والعام حايله
من ربع صبحا انشر الصبح مشمل = أسدير بحول الله لزوم تقايله
انص ابن حمدان منى هاشل الخلا = لا غاب من نو الثريا مخايله
تلفي لنا من يمة الجدي لابه = أحسينية في القفر ترعى شوايله
ترا كسبهم الافلاج مدن غدوا بها = وهله جيران لهم نزايله
ودي عسى نبني شراع يعنها = بشبط وربط والعدو ما نحايله
قلته وانا لي دون لقصين لابه = أرماح القنا من فوق الأرماح طايله
لبا ملبيهم ونادا مشيرهم = جرف الوبا خطرن على من يهايله
فحنا الدا وحنا الدوا ولطامة العدا = كما سم جور ما تنادى قتايله

وتقبلوا تقديري وتحياتي ,,,,,,,,,,,,,,,,,,,,,,,,,,,,,,,,,,,