::: مـنتدى قبيلـة الـدواسـر الـرسمي ::: - قصيدة ( النشاما )للشاعر بن واحش الغامدي

- :: قسم الـشعر العــام :: (https://alduwaser.org/vb/forumdisplay.php?f=16)

- - قصيدة ( النشاما )للشاعر بن واحش الغامدي (https://alduwaser.org/vb/showthread.php?t=24882)

قصيدة ( النشاما )للشاعر بن واحش الغامدي

السلام عليكم ورحمة الله وبركاته

النشاااماااا

للشاعر سعيد بن واحش الغامدي

ياليل .. لو تدري بضيق المحاني =ودمع هملته .. والجروح القدايم
لكان تعذر نومي يومه جفاني =ولكان تشره كل ماشفت نايم !!
ان كان ما البي رفيقي عساني =رمي البنادق ..والسيوف الصرايم
اصوم عن رفقة خبيثٍ وداني =اما عن النشمي!! .. فلا نيب صايم
تغدي ضلوعي كلها له مواني =لا جا عليه كالبوارج عوايم
واتعب لعينه ناقتي والحصاني =ما يثني رجلي صوت حاقد ولايم
سلام يا برقٍ لميعة حداني =نظم القوافي والبيوت القوايم
من يوم ما طرقي .. طرقني وجاني=والهيض في صدري لهيب .. وضرايم
قامت تغني بي طروق ومعاني =وقامت تداهمني جيوش ودهايم
(ابوي) علمني وامرني ونهاني =وانا عن اللي شامني عنه شايم
وش لي بثوبٍ قاصرٍ ما كساني =بين جنوبي وابدى خافي العظايم
اللي ظلمني وبحصاتي رماني =وخلى بظهري من سهومه وسايم
ترى النشامى واسعين الجفاني =البعد عنهم مثل اشد الهزايم
شفي عليهم شف (زابن وعاني) =قاموا عليه الناس (جاير وضايم)
رص الدلال .. وشوف حمرٍ قواني =وهرج وعلوم وافيات وغنايم
وكل يوسع للخوي بالمكاني =وحذف النشامى للعقل والعمايم
خلتني ادني لاجلهم كل داني =وازحم عليهم في شديد الزحايم!!
جعلي ليا نادى رفيقي لقاني = .. ولا عساني ارعى رعي البهايم !!
كلٍ بيفنى والذكر ماهو فاني=وكل يموت ولا سوى الله دايم

وسلامتكم