الشاعر رشيد الزلامي العتيبي,,من روائعه يقول فيها::

قالوا تعلمت؟ قلت عناد وفراسة=اعاند النفس والدنيا واصارعها
وتعلمت في مدرسة من شيبة راسة=دنيا العنا اللي قصيفاتن مطامعها
تلميذها دايم تكتب بقرطاسة=وتعطيه جملت دروسن ما يضيعها
والله عطانا نظر وشعور حساسة=ناخذ علوم المعرفة من مراجعها
ونساير الوقت ونقيسه بمقياسه=ونواجه النفس بالواقع ونقنعها
وترى حياة الفتى مهما قوى باسه=محفوفتن بالخطر والمووت تابعها
من مبتدى العمر حتى يلفظ انفاسه=يمر بمرحلة كثيرتن زوابعها
اول حياة الفتى مشوار وعساسه=مسيرتن في عجاج الوقت يقطعها
وثاني حياة الفتى تدريب ودراسه=تكثر ظروف الفتى وينشغل معها
وثااااالث حياة الفتى يرجع الى ساسه=النقطة اللي بدامنها يراجعها
يرجع لسن الهرم ويظيع الطاسه=ويزحف مع الارض ويخطط شوارعها
وليا تلاقت متونه ورتخى راسه=علومــــــــــــــــــــه اللي مجمعها يظيعها

اللهم احسن خواتيمنا ,,ولاتردنا الى ارذل العمر

اول حياة الفتـى مشـوار وعساسـه = مسيرتن في عجـاج الوقـت يقطعهـا
وثاني حياة الفتـى تدريـب ودراسـه =تكثر ظروف الفتـى وينشغـل معهـا
وثااااالث حياة الفتى يرجع الى ساسه =النقطـة اللـي بدامنهـا يراجعـهـا