السلام عليكم ورحمة الله وبركاته

هذي قصيده مجاراة لقصيدة الشاعر محمد بن فطيس شاعر المليون
اللي مطلعها يقول

الضيقه اللي دايما تالي عصير=وش حيلتي و اردها لاتجيني

القصيده لها تأثير على النفوس واثرت فيني وجاريتها بهالأبيات اللي اتمنا انها تحوز على رضاكم


اقول فيها

الضيقه اللي دايما تالي عصير=خلت دموعي تغتلي وسط عيني
لا والله اللي ماحدتني على خير=دقت فؤادي لين بيح كنيني
عديت يابن فطيس عذب التعابير=سمعتها ضنيتها لي تعنيني
قمت اتمشا بليل مالي مشاوير=احسب ذنوبي وكسبت يميني
في شارع(ن) مافيه غيري جماهير=وتراود(ن) لي طعون ماضي سنيني
أول طعوني يوم أنا عادني صغير=كن القهر يختار بيني وبيني
رفقة فلس أوفيتها عشرتي مير=قفا عشير اللاش ما حس فيني
أبرق ورى برق الذهب والدنانير=وأنا أحسبنه لا دعيته يجيني
أسندتها يمه وجني محادير=همومي اللي من زمن تبتليني
وتسابقت عبرات عيني طوابير=على مزامير الشهق والحنيني
كن الجفون لسيل دمعي دوافير=يا حرها يوم اقطرت في يديني

إختي الغامضه اشكرك على المرور

وماقصرتي على الملاحظه



بس في الشطر اللي ذكرتيه شدّدي حرف السين في كلمة (أحسب)

يعني يصير الشطر (أحسّب ذنوبي وكسبت يميني)


اعتقد اتضحت الصوره

وشاكلك مرورك