|
نقطة التفتيش !!
قصيدة للشاعر المبدع ( ياسر التويجري ) ينـام الزيـف بـظـلال الحقـايـق محـتـزي بـفـراش صنعه اللي عـرف يتقـن مداخـل لعبـة التشويـش مثـل كذبـة عمايـر بـوش وبنـدق عمهـم منقـاش يـدز النـاس للتفجيـر ويسـأل مـن وراه وليـش؟! تقـوم النـاس تتسائـل وتنـجـح خـطـة الأحــواش ويبـدا الشـك فـي دارك وتنصـب نقطـة التفتـيـش بعـد هـذا يجـيـك الـلـي حيـاتـه ابـتـدت مــن لاش قضـى عمـره ورى لميـاء يـحـط بكفـهـا تنقـيـش يقول اللي ورى الارهـاب وفجـر عندنـا وانحـاش مـطـوع لحيـتـه كـذبـه تعـلـم بالقصـيـم الـطـيـش عسـاك وربـي الأعـلـى تـمـوت بغـرفـة الإنـعـاش وقبل لا تموت من ربي يحرمك لقمتك من عيـش تبي عودٍ قضـى عمـره بروضـة مسجـده معتـاش يشيـل الدقـن لعيونـك ويـأمـن منـكـم التخـديـش! ألا تـكــرم لـحـاهـم لـــو يـرابــط فـوقـهـا نـتــاش وألا تكـرم لحـاهـم لــو تقـولـون الـكـلام الـويـش هم أكثر ناس ضد اللـي يقـوم وفـي يديـه كـلاش وهم أكثر ناس لا قامـت تقـوم ولا يقـوم الجيـش يمـر الوقـت وينـور عـلـى الدنـيـا شـعـاع فــلاش ويكسب مرضيٍ ربـه ويخسـر مرضـي التطنيـش نـشـوف ولا تعلمـنـا ومـــا زلـنــا نـعــد أوبـــاش بعين الكلب.. ابن الكلب.. راع الكلب ذاك بويش! عاطر التحايا هند |
أحترت عندما أردت اخذ بيتين من القصيدة لوضعها مع ردي كل بيت أروع من اللي قبله يعطيك العافيه اختي هند على حسن الاختيار وأيضاً حسن النقل لاتبطين بجديدك ،،، |
صح لسانه وصحت ابدانك يا هند
بالحيل اعجبتني القصيده وكثر الله من امثال ياسر على هالتصوير الحقيقي لك جزيل الشكر اختي |
الأخت العزيزه هند سلمت يمناكِ على نقل هذه الدرة الرائعه فعلاً قصيدة في غاية الجمال والروعه وإبداع وتصوير حقيقي وتسلسل في الأبيات صح الله لسان التويجري وسلمت يمينكي لاهنتي يابنت الأجواد تقبلي الود والتقدير والأحترام أخوكي دغش البطي |
ابيات رائعه لاهنتي ياهند الف شكر ونتظر جديدك
|
اختي ( هند ) يعطيعيتس الف عافيه على النقل الرائع لهذه القصيده الرائعه ودمتي . |
صح لسانه ولسانك اختي وبيض الله وجهك على القصيده الرائعه
ولا تحريمنا من جديدك اخوك عماري السيح |
مرحبا أخوي أبو فهيد الله يعافيك ويسلمك يشرفني تواجدك هنا مع التحية هند |
مرحبا أخوي عماري صح أبدانك سعيدة إن اختيارى أعجبك لاهنت هند |
ياهلا أخوي دغش البطي الله يسلمك ويبارك فيك سعيدة بحضورك هند |
مرحبا أخوي تركي الرائع حضورك لاهنت هند |
ابن غرير الله يعافيك ويسلمك سعيدة بحضورك هند |
ووجهك أبيض أخوى عماري السيح ابشر بالخير لاهنت هند |
الساعة الآن 04:45 AM
 |
Powered by vBulletin® Copyright ©2000 - 2025, Jelsoft Enterprises Ltd.
---