|
الله من قلب
الله من قلب همومه تفره= فرة دواليب الكفر يوم تفتر يفرها السواق من زود حره=من حر مابه طب الأجداد ماسر وطب الحداثة معلن في مقره=ان حالته ميؤس منها تقرر مابه أمل يلقى رجاويه مره=وموته بصفحات السجله محرر عليك ياكاوي فؤادي بجمره= ومعلقن قلبي على الخط الأحمر سحرتني بالثوب يومن تزره=وتبين المستور يالظبي الأشقر خذيتني غفلة على حين غره=ورميتني في وسط موجك مغرر عيني عليكم ياحبيبي تشره=قلبي عليكم وأنت قلبك تحجر أرحم عسى المولى يكافيك شره=واعطف ترى قلبي من الهم ماقر وإن ماحصل ياشــوق لافر فره=وأموت موت اللي قتيل معزر |
الركن "أبوعبدالله" هــــلا بــــكـ وصــــح كــــــلك مليـــــــوون ولاهنـــــــت ,, أختـــــــكـ |
صح لسان أخوي الركن " أبو عبدالله "
والله يسخر لك اللي في بالك |
الأخ الواضح..............
أشكر لك مرورك ودعوة طيبة من رجل طيب مير........... شابت لحانا ما لحقنا هوانا=وعزي لمن شابت لحاهم على ماش وفق الله الجميع |
الأخت بحور.........................
مع أطيب الأمنيات بالتوفيق لك مني الشكر والدعوات الصادقة |
ابو عبدالله صح الله لسانك قصيدة جزله من شاعر جزل وأعتقد ان كلنا في الهوى سوى إذا ماخاب ضني :) لاتبطي بجديدك ،،، |
الأخ أبو فهيد
تحياتي وأمنياتي الصادقة لك ................... وعسى الله يحقق صعيبات الآمال |
الركن ( ابوعبدااله ) اخوك ترى قلبه اخضر واالله لايهينك على القصيده الجزله . تحياتي لك . |
الأخ الكريم ابن غرير
أشكر لك مرورك على القصيدة وعسى الله يحقق أمنيات الجميع تقبل تحياتي |
الركن أبو عبدالله
لله درك من شاعر وافي صح الله لسانك على هذه الفاتنه تحياتي القلبية لك اخوك دغش البطي |
الأخ المشرف دغش البطي....................
أسعدني كثيرا مرورك على القصيدةمقدرا لك تلك الكلمات التي أثلجت صدري وزادتني ثقة................ تحياتي لك |
الساعة الآن 05:09 AM
 |
Powered by vBulletin® Copyright ©2000 - 2025, Jelsoft Enterprises Ltd.
---