يا مرحبا وأهلين وألفين ترحيب = وأثني عدد مليون وألفٍ مثلها
وحي الله الشعار وحي المكاتيب = ورجلٍ ينومس به مجالس دهلها
ياللي يجيد الشعر قافٍ وترتيب = ونظم القوافي من ضميره جزلها
حياك يا نسل الرجال المعاطيب = عداد ما هل المطر من هطلها
يا محمد المنعور يا راعي الطيب = والمرجلة تفخر بمثلك فعلها
ماهوب قولي مير شرواك يا ذيب = بأعلى سنام المجد ومحدٍ وصلها
راعي حميه وتاخذ العلم واتجيب = ترقى معاليها وتاطى سهلها
يا طير ياحرٍ تعلا المراقيب = صعبٍ على غيرك سواةٍ عملها
يا كاسب الطالات يا مجنب العيب = طيبٍ وجود وعز فعلك شملها
إن جيت للفزعه وفيها مطاليب = تارد حياض الموت يا تنتشلها
وإن جارت الدنيا وحلّت مناشيب = ماهوب انا اللي يرتمي وسط ذلها
دام انت يا بن اهديّهد راعي مواجيب = هذا انت .. وانت للشدايد تحلها
" هلال ومطرقين " .. بشرق وتغاريب = ولا بتك يا غريري ذا وسم أبلها
لابة قروم ولابهم خلط أجانيب = ومن تجلوى يحتمي تحت ظلها
وجبت القوافي شامخاتٍ مناديب = يا سعد شاعر فز يومه يهلها
هذا قصيدي .. وبقصيدك بلا ريب = المرجلة تووجٍ على رؤوس أهلها