::: مـنتدى قبيلـة الـدواسـر الـرسمي ::: - قصيدة للشاعر/هجرس بن محمد بن حزيم (شقيق الدندان الاكبر)

- :: قسم الـشعر العــام :: (http://alduwaser.org/vb/forumdisplay.php?f=16)

قصيدة للشاعر/هجرس بن محمد بن حزيم (شقيق الدندان الاكبر)

يقول كنا في الحزم يوم جانا الامرمن الملك عبدالعزيز بالغزو لنجران .
وزكّن علينا اميرنا/مناحي بن هجرس بن حزيم شدينا عليها والتحقنا بالغزو وحاصرنا نجران مدة طويله ،وحطيناه مناسر كل ليل نضوي وناخذ واخر شي حزمنا رايناعلى راس اميرناواقتحمنا القصر (قصرالشريف عويره ) في نجران.
ودخلنافيه وصلحنا العلم وحطيناه فوق القصرويوم اصبحنا للبندق تثورفي نجران وانكسرو اهل نجران ودخلوفي الغزيه ، وخذى المفتاح أميرنا مناحي بن هجرس وعطاها الملك سعودبن عبد العزيز توه جاي من باقم ومعه الأمير/فيصل آل فرحان

في شف ابو تركي سرانا مسيان = مستمثلين امره ورهن الاشاره
واميرنا (بن حزيم) ياطير حوران = الى سرى في الليل مرقب نهاره
الشيخ يوم انه دخل قصر نجران = قصرالشريف اللي طويلن جداره
رز العلم في القصرمن قبل الآذان = واقبل دمارا لدار واقفى عماره
يستاهل البيضا على راس مابان = اللي صلاة الصبح ثوّر غباره
ثم سلمه( لسعود) صدق برهان = وكلن على فعله يقدم وقاره
يشهدبها (فيصل) سلايل كحيلآن = اللى على العدوان يقدح شراره
شهادة يفخربها كل داقان = ويعتزفيها اللي براسه نعاره