إن جيت أبيـــــهم أغلـــقـوا دونـــي الــــــباب=ولو طـــــــــــــــــــاحت دموع الوله .. مابكوني
ناسٍ أبد ماأعــدهم عني أغـــــــــــــــــــــراب= كنت أتولم يمـــهم وإتركـــــــــــــــــــــوني
في ضيقتي والقلب بالحــــــــــــــــــيل منصاب= جيت أتلمس قربـــهم وإخــــــــــــــــذلوني
والله .. لو ماأعــــــــــــــــــــدهم كل الأحباب= ولو غيرهم يســــــــــــــــــــــــكن بغبة عيوني
ماأشره عليهم لو قــــــــــــــــــضا العمر بغياب= ولاتحرك من غــــــــــــــــــــــــــلاهم شجوني
أعدهم عن الملا ستر وإحجــــــــــــــــــــــــاب= وأبني لهم قصر الـغـــــــــــــــــلا وإهدموني
أول ليامن جيت بألفين ترحـــــــــــــــــــــاب= وفأجمل محطات الأمــــــــــــــــــــــاني لقوني
واليوم صاروا من ورا ظهري .. أحــــــــــــــزاب= أحزابهم .. هي ليش ؟؟!! بعد قتـــــــــــــلوني
ياويل قلبي .. مابقا فيني عـــــــــــــــــــــتاب= ماباقي إلا دمعتين بعـــــــــــــــــــــــــــــيوني
أخاف لاأذرفها وأنا حولي أجــــــــــــــــــناب= تفرحهم دموعي وهدة مــــــــــــــــــــــــــــتوني
والموت يوم الصد .. جـــــــــــــاني بلا أسباب= كذا .. بليا أسباب راحــــــــــــــــــــوا بدوني
إخترت خوتهم على كل الأصــــــــــــــــحاب= وذكرتهم بالخير يومن نســـــــــــــــــــــــوني
وإستسهلوا بعدي .. وباعوه بأكـــــــــــــــذاب= أحلف لهم بالله .. ماصدقــــــــــــــــــــــوني
ومن يوم ضاقت .. وإمتلا صدري أتــــــــــعاب= وأبطت تنازف في خفوقي .. طعـــــــــــــــوني
شلعت أنا وطعوني براس مرقــــــــــــــــــاب= وبكيتهم في صمت .. لين .. وحشــــــــــــوني
ياكثر وحشتهم على خــــــــــــــــــافقٍ ذاب = وياكثر مافي هالغلا .. كرهـــــــــــــــــــــوني
وياكثر غيبتهم على قلب مرتـــــــــــــــــاب= وياكثر ماضاقت بعد ما جفـــــــــــــــــــوني
إن جيت أصد .. وكل ظرفٍ له أنـــــــــياب= وإن جيت ألد لهم .. ملتني غبـــــــــــــــوني
هم علموني .. ويش هو حرق الأعصــــــــــاب= وفأصعب مواقف رحلتي .. هملــــــــــــــوني
وعلى رغم كل المواجع .. فلا خـــــــــــــاب= ظني بهم لو بالمـــــــــــــــــــــــفارق نووني
وحا بدو .. والله خلقنا من تــــــــــــــــراب= لكّن بدوي بالمكارم .. ملــــــــــــــــــــــوني
ماحنا بحيالله بدو .. بدوي ذيـــــــــــاب= ياما وياما لاإعتزيت .. إنصحــــــــــــوني
ولا فيني إلا شي واحد .. وينعـــــــــــاب= إنصافي لناس ٍ جفوا وإظلمـــــــــــــــــوني
ويوم إلحقوا قلب .. الكرامه .. بمخـــلاب= تهدمت كل القصور بجفـــــــــــــــــــوني
ومدام قلب المخلصه صار كــــــــــــــذاب= وشهوله أرجع .. دامهم .. كذبـــــــــــوني

ولا فيني إلا شـي واحـد .. وينعـاب =إنصافـي لنـاس ٍ جفـوا وإظلمـونـي

المشاركة الأصلية كتبت بواسطة أبونواف الدوسري (المشاركة 243176) العزيز والغالي أبننا مطنوخ سلمت يداك علي نقل هذه القصيده الرائعه وصح لسان قائلها تقبل تقديري وأحترامي

المشاركة الأصلية كتبت بواسطة نايف الخييلي (المشاركة 243183) نايف المسعري صح لسانك ولسان قايلها إختيار رائع منك يالسنافي وقصيــده جميله لا ولاهنــت على إيرادك لهذه الرائعه الشعريه وإتحافنا بها فـــ سلمت يداك ولا فيني إلا شـي واحـد .. وينعـاب =إنصافـي لنـاس ٍ جفـوا وإظلمـونـي

المشاركة الأصلية كتبت بواسطة الشقرديه (المشاركة 243207) صح لسانك اخ مطنوخ على القصيده الشقرديه

المشاركة الأصلية كتبت بواسطة الامبراطـــور (المشاركة 243246) لاهنت يالقرم على الشاعريه المخفيه<<<<اثرك شاعر !!!!

المشاركة الأصلية كتبت بواسطة أمـــيرتـــهم (المشاركة 243296) ظنـي بهـم لـو بالمفـارق نـوونـي وحا بـدو .. والله خلقنـا مـن تـراب لكّـن بـدوي بالمـكـارم .. ملـونـي ماحنـا بحـيالله بـدو .. بـدوي ذيـاب يامـا ويامـا لاإعتزيـت .. إنصحونـي ولا فيني إلا شـي واحـد .. وينعـاب إنصافـي لنـاس ٍ جفـوا وإظلمـونـي صــــــــح الله لســــــانك مطنووخ وتسلم يمينك على القصيده الرااائعه أمـــــــيرتـــــهم:18:

المشاركة الأصلية كتبت بواسطة ابومبارك الدوسري (المشاركة 243301) مطنوخ حتي في الأختيار يعطيك العافيه ولا هنت يالغالي قصيدة روعه خالص ودي