بديت بقافاً مُرسلات معانيه=للصاحب اللى ضيع الدرب واخطاه
عسى شيطان الأنس مهوب مغوييه= ولا عسى ماغره أبليس وغواه
عجبت يومنه تنكر مبادئيه=يأخذ بزين الوقت وشينه بينساه
انا رفيقى بالمؤده مصافيه=أفرشه عينى وجفنى له غطاه
واليوم أرخص من هو يؤده ويغليه= وهدم جسراً بألمؤده بنيناه
أمّا ضييع وضيع الله مراوييه=بسواد ليلاً مدلهماً بمسراه
ولا بربيع العمر حسن مساوييه=ولا كل غمراً تكسب الطيب يمناه
على الهفوات وردنه هقاوييه=وانا مداى بعيد ما يلحق أقصاه
أقراء لغة العين وأعرف مغازييه=وأفهم كلام الناس وأصلح أخطاه
نفسى عزيزه وأرفع الراس واعلييه=وأطى على ظهر الردى وأتخطاه
من باعنى بعته ولانيب شارييه=وماهمنى من غير الوضع مبداه
لايحسب انى عايشاً فى رجاوييه=رجاى بأللى كوّن الغيث وانشاه
لاشك لاسمعت انا أسمه وطارئه=يحز فى نفسى وقتاً قضيناه
ياكود من غيه يرجع لماضييه= ويعيد مجرى السيل لاول لمجراه
يرجع وأقول له ربى محييه= ولا مراح مقيط يوم لحق رشاه
ويلقى من الخلان من هو يسليه=يمشى على موده وظنه ومنحاه