قـالو دواسر قلت نعم(ن) ونعميــن=نعـم الاصل والله ونعم القبيـــله
قوم(ن) لهم بالمجد عدت عناويــن=امجادهم صعب اليالي تزيــلـه
قوم(ن) ترد الي بغوها معاديــن=ماتتركـه ليـن ايترجى سبيـلــه
انشـد بها العجمان ولا القحاطين=رجالهم بالحرب عن الكحيـلـــه
كـمن ضعيـفن في حماهم زبن ليــن=صـار ابامان امحاوطيـنه فصيـله
افعالهم تعرف وتنشاف بالعيــن=كسـابت الطولات ستر الحليلــه
رجالهم يسوى من الناس تسعين=واصغيـرهم عقلـه يسـاوي قبيـلــه
امرافق(ن) منهم رجالن على الدين=وقت الشدايد لاتدور بديـلــه
بمدح هل الوادي نسل الكريميــن=يستاهلون المدح في كل ليلــه
لاجيت واديهم بدا خاطري زين= أهل السيوف الي تطول الطويـلـه
وختامها صلو على منور الدين= محمد الي ماوصلنا مثيـلــه

ماعليك زود يالمطيري

خذ هالرد السفري الغير منقـّح لوكان راع الأوله ماينلحق:)

يامرحبا يامسهلا يأحمر العين=ترحيبةٍ تحيي الديار المحيله
من ضامرٍ يزخر بحلو التلاحين=مثل الشعيب ألي تداحم مسيله
مانوفي أهل الكاش ياخوك فالدين=حاضر بحاضر من عميل أل عميله
نسحن دوا للحاسدين المغلين=ونجزا الجميله فوق كيل الجميله
وأنته وفـّي وربوعك مطير وافين=قولة وعشر أنعام فيهم قليله
يوم البرا مردود بين الحفيفين=هدادتكم تشفي الكبود العليله
علوى هل الردات سقم المعادين=وبريه يفلّون الجموع المهيله
وبني عبداله هم جنود الجبارين=ذرا المخيف ألي تلاوح شليله
ويوم الدهر والجوع وأنتم كريمين=ماأحدٍ ذكر فيكم يدينٍ بخيله
وأنتم وحنا أصحاب فالعسر واللين=وأخوان في دين الطهر والفضيله
ومن عقب أخو نوره بناخا البدارين=وكل القبايل يالمطيري قبيله

قم يانديبي فوق سبعه على الالفين=بريمي مورد من طوكيو في مديله
على علم ابن بدران شق الميادين=طفح صفح الغمى من عديله
يامرحبا واهلين لمطير لو بعد بكين=تاصل الترحيبه لو دونها بديله
مال العدل لو البدل نال منها سمين=اما تجي من الراس لراس سدي له
سدي للغدير على مصقل السيف يبين=حالي وداه وجالي وزاه بندي له
على راس الفتيله يشعل الحلا...قوانين=ما.حد ٍ على حد..لو في الصمى صدي له
يصعد على نوها من ضوها سارين=يبين السرى من العرى كما نجم ٍ جدي له
اعتلا وباه من هواه في اليقى يقين=مال التحيه ل..بن مطير فيها كديله
يالمطيري يامرحبا اكرر الترحيب تفنين=واعزف على تنوره عود الوتر تبدي له
من الحن إلى الشن في شن المعرفه سنين=الله يديم العرف من له قابل نبدي له