المبتدا بالله على كل مبدا=ربٍ كريمٍ مايخّيب مظنّك
اسجد لوجهه يآبن آدم بالاسحار=لولاه دورات الليالي طونّك
وسلام ياعبدالعزيز ابن تركي =ياسيدي يابن الامير المحنّك
يامير من ساس الاماره تسلسل =نادر مواكير الحرارا مغنّك
عريب ومعرب على كل الاحوال =كل الاصول الطيبه يحتمنّك
ياقايد الامجاد والطيب والجود=عسفتهن لين انّهن طاوعنّك
ياحر قرناسٍ وحش طلعه بعيد=رهي راهي والعقول عشقنّك
سطوات هداتك على الخصم تنشاف=ميسامها من ضرب كفك وفنّك
بالمعرفه راهي وبالفعل عزام=تحلحل العسرات لامن نصنّك
لك موقفٍ بالطيب عالي بمبناه=يوم المراجل بالمواقف زهنّك
حلال فتالٍ ونقاض نقال=كل الامور بموقفك ينتخنّك
بالفعل والفزعه وبالجاه والمال= ماتذخر الماجوب لاناحرنّك
كريم وابن اكرام واكرام واكرام=غيث النفوس الظاميه يرتجنّك
من حدته سود الليالي والايام=حث الركايب لينهن يزبننّك
لين الحمول الطايله عنه تنزاح=وبفزعتك كل النفوس شكرنّك
بحر بحر موجه صفق نايف الجال =كل الجواهر بالظمير سكننّك
لاكبرت القالات في كل منوال=كنها تخاضع يومهن ياردنّك
اتعبت من يبغا المراجل والافعال=وارويتهن بالطيب لين ارتونّك
ياسيدي قلت القصيده بالاوكاد=يوم ان قيفان القصيده هونّك

المشاركة الأصلية كتبت بواسطة هايف العماني (المشاركة 235654) الشاعر القدير مطلق الحصان آل عمار من طول الغيباات جاب الغنايم يسعدني ان اكون اول من يصافح هذه الرائعه ، فصح الله لسانك ملايين ولايسدن وابيات جزله من شاعر ماتعودنا منه الا الجزاله . ويستاهل الأمير عبدالعزيز بن تركي آل سعود ومهما قلنا فيه فلن نوفيه حقه من المدح ففعله الطيب ومآثره الحسنه تبقى شاهد له على مدى التاريخ فنسأل الله ان يطيل بعمره ويمتعه بالصحه والعافيه . تقبل تحياتي،،

المشاركة الأصلية كتبت بواسطة مسفر المصارير (المشاركة 235655) الشاعرالكبير : مطلق ال عمار لا هنت لا هنت لا هنت و صح السانك ملايين يا القرم أنت كريم و سمو الامير يستاهل جزله وفي قمة الجزاله تحياتي لشخصكم الكريم

المشاركة الأصلية كتبت بواسطة ناصر آل جزاء (المشاركة 235874) شاعرنا الكبير .. مطلق آل عمار .. صح لسانك قصيده أكثر من رائعه .. ويستاهل عبدالعزيز بن تركي .. بيض الله وجهك يابو عبدالله .. ولاتبطي علينا بجديدك .. أخوكـ / ناصر آل جزاء الغييثات ..