ياصاحبي ما يفيدك لـوم والا عتـاب=انا ماعاد اتحمل جـور سـود الليـال
وجدي على شوفتك عقب البطا والغياب=وجد الدواسر على ذود ٍ محاه النخـال
وجد العواجي عقب عزه وغيبة عقـاب=حتى حوابيط غرسه ما بعد مـاه سـال
وجد الذي وقعت في ابوه روس الحراب=او وجد عود ٍ وحيد ولا خلق له عيـال
عليك ياللي تخيلـي علـى كـل بـاب=لو غبت عني طبيعه حاضر ٍ فالخيـال
بطاك يمكن خطا بطاك يمكـن صـواب=وانا ضحيتـك لا حيلـه ولا زود حـال
عسى مراحينكم يمطر عليها السحـاب=امرَها لو مـال الـدرب فيهـا مجـال
لا ترتقص بك لياليك ويطيح الزهـاب=عوّد على صاحب ٍ لك بالوفا ما يـزال
وجاك الكتاب المغلف واقر خط الكتاب=والخاتمه ما بقالك غير عنـدي سـؤال
بالله وش فايدتك من البطـا والغيـاب=يمكن توفى مثـل ذود ٍمحـاه النخـال

المشاركة الأصلية كتبت بواسطة بن ساجي (المشاركة 232329) بسم الله الرحمن الرحيم ابن غياث .......................... جعلك تسلم نقل جميل . وأللي أجمل منه هو ............... ( أنت ) وقصيده معبره ورائعه . وصح لسان شاعرها وناقها

المشاركة الأصلية كتبت بواسطة الامبراطـــور (المشاركة 232347) لاهنت النقل هيام خيال الفائق وعسى الله لايهينك

المشاركة الأصلية كتبت بواسطة دوسري مطنوخ (المشاركة 232421) ابــــــــــو زيـــــــــــــد ارررحب اررررحب حيه وحي ماجاب .....صح لسانك ولسان الشاعر تسلم يمناك يالقرم محبك / مطنوخ

المشاركة الأصلية كتبت بواسطة فتىالوادي (المشاركة 232423) لاهنت على النقل يابوزيد الغييثي ...

المشاركة الأصلية كتبت بواسطة أبونواف الدوسري (المشاركة 232431) لا هنت يا بوزيد علي نقل هذه القصيده سلمك الله من كل شر وصح لسان الشاعر البقمي تقبل تقديري وأحترامي

المشاركة الأصلية كتبت بواسطة بعيدالهقاوي (المشاركة 232941) والله انها صارت عبره هلاك هالبل الله يعوض على اصحابها وشل الله يد من تسبب في نفوقها