يا موتري لا تضايق مـن مشاويـري=يوم أن راعيك جا المغباش لـه عـاده
مااظن يصلح يسوقـك واحـدٍ غيـري=أصايدك من الحصا وأرفق بـك زيـاده
جيـب بدفـعٍ رباعـي نقلـة القيـري=ما ودك أنـه يشوفـه بعـض حسـاده
كم مرة في السهل نمشـي مداويـري=وكم مرة قد مسكـت طويـق وشـداده
أحيان نسري وحينٍ نمشي اعصيـري=واحيان قبل الفجـر والنـاس هجّـاده
يوم ان بعض العرب يهوى المصافيري=يجيه وقت الضحى والظهر في رقـاده
أهوى المغابيش قبل ايصوُت الطيـري=يوم ان بعض الشبـاب يكبّـر وسـاده
العين عافت لذيـذ النـوم يـا طيـري=أبغى المقانيص يوم القنص لي عـاده
معنا اشقرٍ ضربته للخـرب تمزيـري=أفدغ وحرشٍ اكفوفه ويل مـن صـاده
مع هدّة الطيـر يذهـب كـل تفكيـري=أنسى مماتـي وكِـنّ العمـر بزيـاده
يا زِين شوف الحبـاري بالمناظيـري=فــي خـايـعٍ مابـعـد زاروه رُوّاده
ويازِين شوف العشاير و المظاهيـري=لا روّحت مع رقـاق الحـزم منقـاده
يـا ماحـلا شرْبـك لـدرّ المباكيـري=أخير مـن نيـدوٍ بـه سكـر زيـاده
وماكول قرص الجمر مع تمرٍ وضيري=أحسن مـن البيتـزا والشورمـا زاده
وجذبك بدلوٍ به الماء من جبا البيـري=أخير من مـاي صحـه وسـط بـرّاده
البر يسوى مسلسـل سالـم الزيـري=وأحلا من مشاهد الكوره مـع استـاده
شوف البراري ولا شوف المقاصيـري=أو شوف نخلٍ ظمايـا واجـد عيـاده
في روضةٍ غـاديٍ للعشـب تنويـري=يازِين شوف الخضار وزِيـن مقعـاده
معـك نشامـا مخاوينـك مناعـيـري=رجّالهـم منـوة للقـلـب واسْـعـاده
حولـك ادلالٍ بهـا البُـنّ المباهيـري=بهارها الهيل والمسمـار هـو اقنـاده
أحسن ولا رفقـة اربـوع ٍ معاثيـري=هرج القفا عندهم هـو ثالـث اعْيـاده
أحباب وأصحـاب بقلـوب المثابيـري=تضحك وهي لشذبة العرقـوب معتـاده
يقفونـك الهـرج بألسنـةٍ مناشيـري=واحَدْهم إلى نصحتـه زاد فـي عْنـاده
هذاك كُبّـه فـلا بـه نفـعٍ وخيـري=ما يتّعظ في الكـلام الزيـن وارشـاده
نومـك بجـو خـلا مافيـه تكديـري=يسوى الفنادق وقصـرٍ قلَّـوا أجـواده
ما حولـك ألا الطيـور أم المناقيـري=امنفّـضـة ريشـهـا للـجـو رَوَّاده
ورزقك على اللي رزق لدباش والطيري=اللي فرض ركن حج البيـت واجهـاده
الرزق عنـد الولـي رب المقاديـري=اللـي جعـل للخلايـق ذكـر وعبـاده
وصلاة ربي عـدد وبـل الشخاتيـري=على نبـي جعـل يثـرب هـي بـلاده

المشاركة الأصلية كتبت بواسطة الزين (المشاركة 231540) تسلم يمينك علي النقل وصح لسان شاعرها يقفونـك الهـرج بألسنـةٍ مناشـيـري=واحَدْهم إلى نصحتـه زاد فـي عْنـاده هذاك كُبّـه فـلا بـه نفـعٍ وخيـري=ما يتّعظ في الكـلام الزيـن وارشـاده الزيـــــــــــــن

أهوى المغابيش قبل ايصوُت الطيـري=يوم ان بعض الشبـاب يكبّـر وسـاده

المشاركة الأصلية كتبت بواسطة ابو زابن المسعري (المشاركة 231661) قصيده جزله صح الله السانك والسان الشاعر وبيض الله وجهك على النقل المميز استانست احسبك مسوي لي توقيع ههههههه

المشاركة الأصلية كتبت بواسطة خميس الغييثي (المشاركة 232097) مطنوخ ابو زابن ياهلا ومرحبا ومروركم اسعدني اما بالنسبه لتوقيع فانا سويته وارسلته لبوزيد يظبط فيه بعض الامور يعني راجع ابوزيد هو المسؤل عن ضياعه اذا ضاع

المشاركة الأصلية كتبت بواسطة ابو زيد الغييثي (المشاركة 232285) نقل رائع يا شايب (( الخرج )) :30: يا موتري لا تضايق مـن مشاويـري=يوم أن راعيك جا المغباش لـه عـاده مطلع رائع للابيات مااظن يصلح يسوقـك واحـدٍ غيـري=أصايدك من الحصا وأرفق بـك زيـاده جيـب بدفـعٍ رباعـي نقلـة القيـري=ما ودك أنـه يشوفـه بعـض حسـاده صادق موترك مثل خويك مايعرفله غيرك ( الله يكفينا الحساد ) كم مرة في السهل نمشـي مداويـري=وكم مرة قد مسكـت طويـق وشـداده وصف رائــــــــــــــــــــــــع أحيان نسري وحينٍ نمشي اعصيـري=واحيان قبل الفجـر والنـاس هجّـاده يوم ان بعض العرب يهوى المصافيري=يجيه وقت الضحى والظهر في رقـاده أهوى المغابيش قبل ايصوُت الطيـري=يوم ان بعض الشبـاب يكبّـر وسـاده العين عافت لذيـذ النـوم يـا طيـري=أبغى المقانيص يوم القنص لي عـاده تحديد لاوقات جميل خصوصاً لاني اميل الى المغباش >>> شايب كنه خميس معنا اشقرٍ ضربته للخـرب تمزيـري=أفدغ وحرشٍ اكفوفه ويل مـن صـاده مع هدّة الطيـر يذهـب كـل تفكيـري=أنسى مماتـي وكِـنّ العمـر بزيـاده يا زِين شوف الحبـاري بالمناظيـري=فــي خـايـعٍ مابـعـد زاروه رُوّاده ويازِين شوف العشاير و المظاهيـري=لا روّحت مع رقـاق الحـزم منقـاده نبيع الدنيا عشان شوف هذا كله يـا ماحـلا شرْبـك لـدرّ المباكيـري=أخير مـن نيـدوٍ بـه سكـر زيـاده اي بالله اخير وماكول قرص الجمر مع تمرٍ وضيري=أحسن مـن البيتـزا والشورمـا زاده ذكرتنا بالعشا ولكن خاطري بقرص انت تكون مسويه هههه وجذبك بدلوٍ به الماء من جبا البيـري=أخير من مـاي صحـه وسـط بـرّاده كلن له راي البر يسوى مسلسـل سالـم الزيـري=وأحلا من مشاهد الكوره مـع استـاده اوافقك في الثنتين لاني ماحب مسلسل الزير ولا الكوره ( الاول ابقط من الثاني ) شوف البراري ولا شوف المقاصيـري=أو شوف نخلٍ ظمايـا واجـد عيـاده في روضةٍ غـاديٍ للعشـب تنويـري=يازِين شوف الخضار وزِيـن مقعـاده :D :D :D :D :D معـك نشامـا مخاوينـك مناعـيـري=رجّالهـم منـوة للقـلـب واسْـعـاده حولـك ادلالٍ بهـا البُـنّ المباهيـري=بهارها الهيل والمسمـار هـو اقنـاده لا فض فوك أحسن ولا رفقـة اربـوع ٍ معاثيـري=هرج القفا عندهم هـو ثالـث اعْيـاده أحباب وأصحـاب بقلـوب المثابيـري=تضحك وهي لشذبة العرقـوب معتـاده يقفونـك الهـرج بألسنـةٍ مناشيـري=واحَدْهم إلى نصحتـه زاد فـي عْنـاده الله الله ماكذبت هذاك كُبّـه فـلا بـه نفـعٍ وخيـري=ما يتّعظ في الكـلام الزيـن وارشـاده كبيتناه لعنبا اللاش نومـك بجـو خـلا مافيـه تكديـري=يسوى الفنادق وقصـرٍ قلَّـوا أجـواده ما حولـك ألا الطيـور أم المناقيـري=امنفّـضـة ريشـهـا للـجـو رَوَّاده صـــــــــــــــــادق خصوصاً سالفة النوم ورزقك على اللي رزق لدباش والطيري=اللي فرض ركن حج البيـت واجهـاده الرزق عنـد الولـي رب المقاديـري=اللـي جعـل للخلايـق ذكـر وعبـاده وصلاة ربي عـدد وبـل الشخاتيـري=على نبـي جعـل يثـرب هـي بـلاده اللهم صلي على محمد لاهنت يــــــــــا (( قرم القحفان )) على نقل هذه الابيات الرائعه التي ترتقي لذوقي >>>>> يمدح نفسه وذوق اهل المنتدى ، سلمت يمناك وجعلها مايجيها العطب وراس شايبن جابك يبطي حي . محبكـ ومغليكـ / ابو زيد الغييثي

المشاركة الأصلية كتبت بواسطة سالم بن صمهود (المشاركة 232291) يا موتري لا تضايق مـن مشاويـري يوم أن راعيك جا المغباش لـه عـاده مااظن يصلح يسوقـك واحـدٍ غيـري أصايدك من الحصا وأرفق بك زيـاده جيـب بدفـعٍ رباعـي نقلـة القيـري ما ودك أنـه يشوفـه بعـض حسـاده كم مرة في السهـل نمشـي مداويـري وكم مرة قد مسكـت طويـق وشـداده أحيان نسري وحينٍ نمشي اعصيـري واحيان قبل الفجـر والنـاس هجّـاده ابو مطر دايم علومك سفره ولاتجيب الا الطيب من طيب ساسك وراسك شكرا لك وصح لسان قايلها