::: مـنتدى قبيلـة الـدواسـر الـرسمي ::: - ماتوقعـت الغـلا يصبـح مصيبـه

- :: قسم الـشعر العــام :: (https://alduwaser.org/vb/forumdisplay.php?f=16)

- - ماتوقعـت الغـلا يصبـح مصيبـه (https://alduwaser.org/vb/showthread.php?t=20251)

ماتوقعـت الغـلا يصبـح مصيبـه

ماتوقعـت الغـلا يصبـح مصيبـه
لين شفت ان الغلا كـل المصايـب

لعنبو جـد الغـلا ماقـوى لهيبـه
أحرق ضلوعي وصارن له حطايـب

هاك قلبي في كفوفك وأهتنـي بـه
وعرّضيه إليـن تصفقـه الهبايـب

ياعساها تمحـي جـروح ٍ عطيبـه
وتبعد اللي كان قبلـك فيـه ذايـب

قالـت ان الحـب الأول للحبيـبـه
لـو تمّلـى فيـه خـلان وحبايـب

قلت الأول راح يمشي فـي نصيبـه
ولا اللحق المقفي ولا ارضى للغلايب

لكن انتـي شفتـك لبالـي قريبـه
يابعـد دنـيـاي والله والقـرايـب

ادري انك بنت عـز وفيـك هيبـه
وادري انـك ماتحبيـن الطـلايـب

والدلع هو محتويكي وسـط جيبـه
والدلال اللي ركـز فيـك النصايـب

والبـراءه نظـرة عيونـك عجيبـه
في قدومك صارت ايامـي عجايـب

أقلطي وسط الحشا من دون ريبـه
واخذي فنجال الغلا والبـال طايـب

ولاعرفت ان الغـلا اكبـر مصيبـه
لين شفت ان الغـلا كلـه مصايـب

للشاعر...فارس بن مقعد