يا ذا الجلال اللي عروشك فوق واملاكك حدر = ومهماً تسامت به عروشه مستحيـل يطولهـا
يا حـي يـا قيّـوم يـا ذا الأنافـة والكبـر = ما نافسك في عظمتك مكـر العبـاد وهولهـا
وما نافسك من عمّر بيوته على سطـح القمـر = واللّي ترسي فـوق أقاليـم الميـاه سطولهـا
ما انته بحاجة من عبد ولا بحاجة مـن كفـر = ولا بحاجـة ثابـت الدنـيـا ولا منقولـهـا
أنت السميع لمن حمد وأنت المزيد لمن شكـر = واللي ما يشكر نعمة المنعـم عليـه تزولهـا
ياذا الجبروت العظيـم ويـا القديـر المقتـدر = تفزع لنا في معضلات مـا نريـس حلولهـا
تلعب بنا خلاّن فرغتنـا كمـا لعـب الكـور = أن اقبلت صاحوا لها وأن دبّرت صاحوا لهـا
لا هبّنا الطايف بعض الأحيان في فية عصـر = شهب الليالـي مـن ورانـا يسحبـن ذيولهـا
أنت السلام اللي لك الإسلام وانـت المشمخـر = اللي عجايب قدرتك فـي المعجبيـن ذهولهـا
سلام يا محمد رسول الله راعي الوجه الأغـر = وسلام يا روح ملائكـة السمـا صلّـوا لهـا
سلام يا بو بكر يا عثمان يـا علـي وعمـر = وسلام يا سبـع الآفـاق أطلالهـا وسفولهـا
سلام يا صدق النوى سلام يا وسـع الصـدر = سـلام يـا مفتـاح بيبـان الفـرج وقفولهـا
وسلام يا شمس الضحى تشرق على بر وبحر = وتشرق على كـل الديـار جبالهـا وسهولهـا
وسلام يا غر السحاب اللـي تبجـح بالمطـر = وشم الجبال اللـي تبجـح بالسحـاب قذولهـا
وسلام يا هوج الرياح اللي عطاهـا مستمـر = مهما خذوا منها من الحسنـات مـا ردوا لهـا
ليت الرحاب اللي لنا بوجيههـا حـق وقـدر = ما تضمحل من الزمان ولا نشـوف سمولهـا
و ياليتنا لاما سرحنا اليوم الأبيض من فجـر = تبطي عبات الليل ما تضفـي عليـه سدولهـا
ولاّ ليامنهـا ضفـن سدولهـا يطلـع بــدر = يا صل ضياه اللي على الكوره تطق طبولهـا
المعتبر يآخذ على الدنيـا دروس مـن العبـر = والنـاس يكسبهـا معاملهـا بقـد عقولـهـا
أحيان تصدف لعبة الشاطر مع غلطـة عمـر = مره .. لكن لا عدت الغلطة ما عـاد ينولهـا
حنا عرفنا كلنا ما طـال مـن شـيء قصـر = والأحلام ماتوا قبلنا شرهين ما وصلـوا لهـا
حتى الجمال اللي تحمّلهـا الهقـاوي بالصبـر = يالله بحملتهـا تقـوم وتــدّرج بحمولـهـا
والحب سيسـان العبـادة والعبـادة بالجهـر = ان ما قدرت تقولها وجـه الصحيـح يقولهـا
يسرون عميان المحبة تيه فـي غـدرا الغـدر = للـي تحـد سيوفهـا واللـي تعـن خيولهـا
ولا تفكر فـي غنـاة ولا تفكـر فـي فقـر = وتشفع لبيضان الصدور احضوضها وفعولهـا
واهل التكلـف بالمعرفـة والتصنـع بالبشـر = والله ما هي حول الصحيح ولا الصحيح بحولها
اللي يفضّل ما يقيم بو ميـه مـن بـو عشـر = حتى الفضولية عن الفاضـل بطـل مفعلوهـا
اللي تخبره لحيته ذا ..طولهـا يصبـح بـزر = واللي تخبره بزر يصبح لحيتـه ذا ..طولهـا

اللي تخبره لحيته ذا ..طولهـا يصبـح بـزر=واللي تخبره بزر يصبح لحيتـه ذا ..طولهـا

المشاركة الأصلية كتبت بواسطة ابن وتيد السباعي (المشاركة 218239) صح لسانك ولسان الشاعر الكبير والعلم / سعد ابن جدلان

المشاركة الأصلية كتبت بواسطة نايف الخييلي (المشاركة 218248) الله يعافيك يامطنوخ على هالقصيده الرائعه للشاعر الكبير سعد بن جدلان وصح لسانك ولسانه اللي تخبره لحيته ذا ..طولهـا يصبـح بـزر=واللي تخبره بزر يصبح لحيتـه ذا ..طولهـا

المشاركة الأصلية كتبت بواسطة الشقرديه (المشاركة 218273) يعطيك العاااافيه

المشاركة الأصلية كتبت بواسطة أبونواف الدوسري (المشاركة 219417) الله يعافيك يامطنوخ على هالقصيده الرائعه للشاعر الكبير سعد بن جدلان وصح لسانك ولسانه تقبل تقديري وأحترامي

المشاركة الأصلية كتبت بواسطة الزين (المشاركة 219421) صح لسان شـــــــــــــــاعرها وناقلهـــــــــــــــــــا المعتبر يآخذ على الدنيـا دروس مـن العبـر =والنـاس يكسبهـا معاملهـا بـقـد عقولـهـا أحيان تصدف لعبة الشاطر مع غلطـة عمـر =مره .. لكن لا عدت الغلطة مـا عـاد ينولهـا الزيـــــــــــــــــن

المشاركة الأصلية كتبت بواسطة ابومبارك الدوسري (المشاركة 219524) دوسري مطنوخ منقول روووعه.. يعطيك الف الف عافيه .. في انتظار جديدك.. لاتحرمنا هالذوووق.. تقبل مروري...