::: مـنتدى قبيلـة الـدواسـر الـرسمي ::: - أصغر من رد عليه الأمير الشاعر محمد بن احمد السديري

- :: قسم الـشعر العــام :: (https://alduwaser.org/vb/forumdisplay.php?f=16)

أصغر من رد عليه الأمير الشاعر محمد بن احمد السديري

لابتي الكرام

اورد لكم هنا قصيدة رائعة ورد اروع..
ألا وهو رد الأمير محمد بن احمد السديري .. على إبن اخيه خالد بن مساعد بن احمد السديري..
وهو أصغر من رد عليه الأمير الشاعر حيث كان لا يتعدى التاسعة عشر من عمره ..
وكان طالباً يدرس في أمريكا ..

وهذا إن دل على شيء إنما يدل على جزالة شعر هذا الفتى الذي توسم به عمه خيراً ..
فتنبا له بمستقبل باهر في الشعر ..

هذه قصيدة خالد بن مساعد السديري :

عيسـر فـوادي وانتثــر فيــه معلــــــوق ..
خطر(ن) على عقلي من الجور صعفاق.

كني على جنان(ن) رضيات مسيــــوق ..
كني علــى حــر اللــواهيب مستــــاق .

يا ويــل مــن هــو عــن تمانيه مصفوق ..
جنــدل وخضــب بالدمــا جــض وانعــاق .

وامسى حسير(ن) ما يواسيه مخلوق ..
والحــال عــن حزنــه ينبيــه نطـــــــاق .

مـن كـود هم(ن) جـار به تقـل غرنـوق..
حالـه قضـت مـن همـه الكايـد الشاق.

العيــن تنــزف دمــعها دم مـدفــــــوق ..
مــا تهتنــي بالنــوم والمــوق دفــــاق .

والقــلب ينتــل بالمعاليــق بعمــــــوق ..
هــم(ن) يتلــه مــن تواليــه باعمـــاق .

يا عـم .. عمـي إنت وإن قـل منطوق ..
يا عـم .. عمـي بالمواجـيب عمـــلاق .

يا عم .. قلبي من جوا البعد بخفــوق ..
شـطت عليـه الـدار والبـعد ما يطــاق .

دار الرخــا والجــود والعــرب والنـــوق ..
دار(ن) بـها دينــي وعــزي ومـــا لاق .

دار(ن) بـها بيتــه.. وبيتـه بهالطـــوق ..
دار(ن) غذتني وانهلتني لها اشتـاق .

لاشك باغ(ن) أرغم الحال واســـوق ..
نفسي على العليا ولـو كان مشتاق .

أصبر على الزلات وأكظم على العوق ..
واصبر على حدب الليالي والاطـــراق .

من هو يريــد المجــد يعمــل بلا روق ..
يبني لنفسه شامخات(ن)لها اشراق .

يرفع مقامه عن خنا الذل والســـوق ..
ما ينزلق بالذل يغمس إلى الســـاق.

نبغى نجاهد نسبق الركب بلحـــوق ..
نسبق من الدولات من كان سبــاق .

ونخدم بلادنا خدمة الصدق ما نبوق..
ونحفظ عهود الود للعرب ما تطــــاق .

ونخدم مليكنا .. ونعبد الله ونتـــــوق ..
لــــدروب الوفـــا الواثـــق البــــــــاق .

رد الأمير محمد رحمه الله :

أهلاً عدد ما ناح ورق(ن) من الشــوق ..
وعداد ما غنى علـــى خضـــر الأوراق.

وعداد ما اوضى لامع البرق بطبــــوق ..
في مدلهم المزن طاق(ن)على طـاق.

خط الحبيب اللي بنى الشعر منسوق..
نظــم كمــا نظــم الجواهــر بالأعنـــاق .

ما هــي فــي زيــن التماثيــل مسبـوق ..
بأبيات شعر(ن) نورهن يشعق أشـــعاق .

يا خــالد .. افهم كل مطـرود ملحــــوق ..
والعـــلم يفتــح لـــك بعيـــدات الآفــاق .

أطلب لك التوفيق من خالق(ن) فــوق ..
رب(ن) لكــل الخلــق رازق وخــــــلاق.