::: مـنتدى قبيلـة الـدواسـر الـرسمي ::: - النفس احاسبها وادوّر سماتها

- :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)

- - النفس احاسبها وادوّر سماتها (http://alduwaser.org/vb/showthread.php?t=18615)

النفس احاسبها وادوّر سماتها

اخواني الاعزاء اعظاء هذا المنتدى المبارك اسعدالله اوقاتكم بكل خير يسرني التواصل معكم مجدداً بهذه القصيده القديمه عسى ان تنال اعجابكم وتقديركم

النفس احاسبها وادوّر سماتها=وعلمتها حتى رضت في حياتها
علمتها تسمح وتاخذ حقوقها=وتدي حقوق اللي يدوّر غناتها
نفس ٍ وصول العز غاية مرامها=وحب القناعة دايم ٍ من صفاتها
والرزق عند اللي خلقنا برزقنا=ربٍ تناجيه العباد بصلاتها
مكوّن الدنيا بحكمه وقدرته=دنياً تهول اللي بها بحركاتها
الخير هو الشر فيها يتناوباً=ما تنظمن سياتها واحسناتها
كم جاهل ٍ فيها تناسا غيوبها=من خالف اولها لقاء مقبلاتها
ما يـقـّن الا واحدٍ في حياته=جرب مرارتها وجرب حلاتها
قلته وانا نفسي بوقتي تعلمت=علمتها حتى رضت في حياتها
اعزها واصونها من هل الردى=واهل الوفاء هم شفها وامنياتها
امثال منهو منهجه منهج الكرم=يكسب فعول الطيب في موجباتها
رجل ٍ على اسمه فالمواجيب ينلقى=مراجله فالناس عندي ثباتها
مراجله ماهيب توها صنيعه=تشهد تواليها على ماضياتها
ياللي نويت تجيه هاذي رسالتي=عطها صبي الجود واحفظ وصاتها
بذرت فيها قول من يوفي الوعد=وارجي مع الايام يثمر نباتها
خصيت راعى الصنف واسندتها له=ربه يحللها ويفهم لغاتها
انشد وانا قلبي تخالف روابعه=روابع ٍ ما بين خذها وهاتها
من عشقةٍ هاويتها قبل اشوفها=هاويتها واليوام انا في شفاتها
وديت لاماها لحيث ان ابوها=عند النشاما ما يشح بخواتها
لاجيت باوصف محاسن جمالها=على مزايا الحسن تضفي عباتها
اطرب لجيتها على العز والنقاء=ولاحدٍ بطول الهجر سوى سواتها
تقطعت الارماس من دون ذكرها=واحترت فيها ويش سبب شتاتها
فان كان طول البعد ماخلف نويها=لو طولت ماقول زلت طراتها
انا الى ذلحين ما يست منها=مافات فايتها وانا اخشى فواتها

ودمتم سالمين يالطيبين