|
شاعر العجمان الكبير عبلان آل مصرا يمدح قبيلة الدواسر
عبلان آل مصرا من شعراء قبيلة العجمان المشهورين ان لم يكن اشهرهم وقلد خلّد الكثير من معارك العجمان وقصصهم بقصائده الجميلة وقد قال فيه الشيخ راكان ان لسان عبلان آل مصرا عنده مثل اربعين فارس من آل معيض ((العجمان)) هذه القصيده ارسلها الفارس عبلان المصراني مع ابنه سعد ليام واحب ان يذكر خصال قبيلة الدواسر كون صاحب الرساله سوف يمر في ديارهم وأحب ان يمدحهم يقول :
الا ياسعد دنـوا معاويـد ضمـرعيرات =من حدب الظهور النجايب سود المدانع مـن عمـان منتبه=ما وقفت في كل سـوق جلايـب كنها مع الفرجه ليا روحت بكـم=سفن مـع الغبـه قفتهـا هبايـب والا كما ريم مـع الجـو هـرب= قد حققت شوف العرب بالحبايب من فوقها اللي مايهابـون فرجـه=فهود الزراج بايحيـن الزرايـب مصاقيل جـم ومعاويـد غربـه=ومناعير لاشبت ضوي الاهايـب ((نـص الركايـب* غلمـة زايديـه*=يانعم من تلفي عليهـم الركايـب هشين بشين على العسر والقسـا=وفرسان لاشبت ضوي الحرايـب ومن كان مضيوم فيزبـن جالهـم=حتى تقطع منـه كـل الطلايـب)) وايضا الركايب نصها صلب جدنا=وسلم على شبانهم مع كل شايـب يامية يشكـي الملايـل حريبهـم=الا وكم شر وهـم لـه سبايـب ان سايلوا عنا نطلب حضورهـم=لعزيمة ندعي لهـا كـل غايـب على مزاغيـف ومطـارق القنـا=ومن فوق زلبات مناها الهذايـب وياما غدا في دقلنا مـن اشمـره=منها عشا طيـر ومنهـا جنايـب وياما غدا في دقلنا مـن مجـرب=زيزوم سلفان يخسـر الركايـب وجموعنا لادبـرة لـزوم تنثنـي=مثل السباع اللي عشاها النهايـب هواشم نسـل الشريـف معـرب=ما حن بهافين المناسب ضرايـب من سبنا سبـه وليـه ولاث لـه=في معتكل يوم لعجـه صلايـب هذا وصلى الله على سيـد المـلا=اعداد ماتنثر حقـوق السحايـب العماني |
لاهنت يالعماني على ذالقصيده الهايله ولاتحرمنا من جديدك يالسنافي
لكن فيه يابومبارك ملاحظه وتناقض من الشاعر في نسب قبيلته عندما قال\
وايضا الركايب نصّها صلب جدنا=وسلم على شبانهم مع كل شايب وعندما قال\يامية يشكي الملايل حريبهم=الا وكم شر وهم له سبايب
هواشم نسل الشريف معرب=ماحن بهافين المناسب ضرايب
هل لاحظت هذاالله يعطيك العافيه على كل حال اخوك\ابوشجاع الرجباني |
مشكور ياخوي يالعماني على هالمشاركة المميزه , ماقصرت واتمنى تثبيتها .
اخوك صقر بن مطلق الجميعة الدوسري |
اقتباس:
حياك الله اخوي نواف ، والبيت الأخير ((هواشم من نسل الشريف معرب)) سوى كثير من البلبله لدى العجمان حتى يومنا هذا حيث ان البعض يستدل به لنسبهم للأشراف . تقبل تحياتي،، |
لاهنت بردك على الملاحظه
وجعلك تسلم |
نـص الركايـب غلمـة زايديـه=يانعم من تلفي عليهـم الركايـب هشين بشين على العسر والقسـا=وفرسان لاشبت ضوي الحرايـب ومن كان مضيوم فيزبـن جالهـم=حتى تقطع منـه كـل الطلايـب والله ونعم به وبربعه وقصيد ٍ طيب لا هنت يابو مبارك وجعلك تسلم ويسلم غاليك |
العمـــاني أختيـــــار رائـــــع لشاعر أرووع تستاهلوون يا الدواســــر أكثــر من كــــذا ,, ولاهنــــــــت ,, أختـــــــكـ |
صح الله لسانك ولسان قايلها والدواسر يستاهلون المدح وهم أهل له تحياتي لك ياذيبان وننتطر جديدك بشغف ،،،،، |
صح اللسانك يالعماني
|
حياكم الله جميع وتسلمون على الردود الطيبه
|
دوم علومك وجيباتك طيبه (يالعماني) جعلي ما أذوق حزنك..
وأبيات طيبه بالحيل والعجمان وآل مصرا أجاويد وإخوان وعواني وفوق الراس مدحهم لنا طيب وياما مدحناهم وهم كفو للمدح... والله يجمع القلوب على الإيمان والخير بيض الله وجهك ووجيهم |
((نص الركايب* غلمة زايديـه*)) يانعم من تلفي عليهـم الركايـب هشين بشين على العسر والقسـا وفرسان لاشبت ضوي الحرايـب ومن كان مضيوم فيزبـن جالهـم حتى تقطع منه كـل الطلايـب)) العماني لاهنت وبيض الله وجهك ياابو مبارك مجهوداتك واضحه للعيان جعلنا مانعدمك وصح الله لسان الشاعر العجمي على ماقال تقبل الود والتقدير محب الجميع دغش البطي |
رد: شاعر العجمان الكبير عبلان آل مصرا يمدح قبيلة الدواسر
لاهنت أخوي هايف وبيض الله وجهك
|
الساعة الآن 02:34 AM
 |
Powered by vBulletin® Copyright ©2000 - 2025, Jelsoft Enterprises Ltd.
---