ابي اعرف الله لايهيينكم بس بدون زعل
 

السلام عليكم ورحمة الله وبركاته

كيف حالكم يالربع عساكم طيبيين المهم ابي اعرف بعض من العوائل التي تنتسب لي فخذ المشاويه الي من قبيلة الدواسر الله لايهينكم لاهنتو بس والله يعطييكم العافيه



وشكراً لكم جميعن ودمتم ومع خالص التحيه من السيف الصقيـــل وشكراً والله ولي التوفيق لنا ولكم

رد: ابي اعرف الله لايهيينكم بس بدون زعل
 

السلام عليكم
مساكم الله بالخير جميع
أخي السيف الصقيل بشر بسعدك
تفرعات قبيلة المشاويه
1 آل محمد ومنهم عائلتان هم آل غصين و آل حزمي
2 آل وسمي ومنهم عائلتان هم آل دهش وآل وسمي
3 آل رزحان ومنهم عائلتان هم آل سرهيد وآل محمد الأسود
4 آل جوزان ومنهم عائلتان هم آل سعد وآل سالم
5 آل غانم ومنهم عائلتان هم آل درع وآل عبدالله الصحيح
6 آل مسعد
7 آل بنيان وهم عدة عوائل هم آل منطاب و آل قريعين والجربان والمحانيه وآل مرداس
8 العرادين وهم عدة عوائل هم آل حضيري وآل طعيس و آل جويعد وآل قريطه وآل مفرج وآل مهذل وآل عمر.


و مع السلامه أخي السيف الصقيل

رد: ابي اعرف الله لايهيينكم بس بدون زعل
 

عوائل المشاوية واجد ومن تريد بالضبط؟!

هل تريد الذين في الكويت؟!

رد: ابي اعرف الله لايهيينكم بس بدون زعل
 

أبن الخرج دائم نستفيد من معلوماتك القيمة شاكر لك وحاولت مرسالتك على الخاص ولم أتمكن

رد: ابي اعرف الله لايهيينكم بس بدون زعل
 

حي الله كل واحدً بسمه ولا يهونون عيال العم تسلم يمناك يا ابن الخرج وبيض الله وجهك والله يوفقك ويستر على كل مسلم وحي الربع وحي لاد زايد ولاد تغلب وحياكم ياعيال العم وبيض الله ذا الوجييه السفره المنوره و الحا الغانمه وما قصرتو ياعيال عمي ابو عبدالرحمن والله إذا ماكن عليك كلافه ياولد العم انك تذكرلنا عوائل المشاوية الي في الكويت هذا راح ينحسب لحسابك وراح نعتبره كرم منك يبو عبدالرحمن ويا جعل عمرك طويل وبيض الله وجهك وما نسيناك يالعنا حيك الله يالعنا وبيض الله وجهك على ردك الفذ وثنيك لي ابن الخرج وما قصرت وحياك



وشكراً لكم جميعن ودمتم ومع خالص التحيه من السيف الصقيـــل وشكراً والله ولي التوفيق لنا ولكم

رد: ابي اعرف الله لايهيينكم بس بدون زعل
 

أعتقد واالله أعلم هذي أغلب الأسر التي تنتمي للمشاوية وياليت نعرف من يسكن في قطر .
وألى من ينتمي الفارس نصار بن قريعين هل الى اسرة ال غانم صاحب القصة المشهورة.

رد: ابي اعرف الله لايهيينكم بس بدون زعل
 

السلام عليكم ورحمة الله وبركاته

يامرحبا بجميع بني عمي......

اما عن الفارس المشهور (( نصار بن قريعين )) فهو من ال بنيان.

رد: ابي اعرف الله لايهيينكم بس بدون زعل
 

ارحب ثم ارحبو عد تراحيب المطر و النجوم و الكواكب وحي الله كل واحدً بسمه نورتو وشرفتو الموضوع كله من أوله لي تاليه وتسلمون على مروركم العطر الي فاح منه ريح المسك ومشكورين على الردود و المشاركة الفعاله وهذا ماهو بغريب عنكم ياعيال عمي


وياليت يامترك ولا عليك امر انك ترسلي على الخاص إميلك عشان فيه كلام ابيك فيه زيين ياولد العم الله لايهيينك يالغالي


تقبلو خالص تحياتي اخوكم: السيف الصقيـــل

رد: ابي اعرف الله لايهيينكم بس بدون زعل
 

مساك بالخير و يعطيك العافيه بو عبدالرحمن والله اذا ما فيها كلافه عليك لا تبخل علينا بهل المعلومات الطيبه ...
تقبل تحياتي اخوي عبدالعزيز بن ودعان :)

رد: ابي اعرف الله لايهيينكم بس بدون زعل
 

السلام عليكم
حياكم الله ياأبناء العم والله يجمعك على العز والطاعه بالنسبه للفارس نصار بن قريعين فهو من ال بنيان مثل ماتكلم أخي مترك اما بالنسبه للمشاويه اللي يسكنون قطر فهم آل مسعد

رد: ابي اعرف الله لايهيينكم بس بدون زعل
 

عبدالعزيز هلابك يالغالي ياولد العم نورت الموضوع ولايهونون عيال العم مشكور ولاهنت على المرور العطر

ابن الخرج مرحبابك يالغالي مشكور ولاهنت على المرور الطيب




تقبلو خالص تحياتي اخوكم: السيف الصقيـــل