عند الضحى عديتنا راس مشذوب = نوايف سبحان رب وتدها
وفكرت في ناس لها اجسام وقلوب= ومختلفة سبحان محصي عددها
احد مع أهل الخير حاسب ومحسوب= واحد حياته ماغتنم في مددها
وبعض العيال اليا ظهر يقضي النوب= يجلى من عيون القرايب رمدها
يدرى الرفيق الب عنده من الثوب= وانجاه خطوا زلة ماطردها
والا العدو يسقيه من السم مشروب= وفي الكبد علات تزايد غددها
وبعض العيال ايجيك خايب ودعبوب= ثور اليا شد الحصيدة حصدها
تلقا مع الخفرات له ماقف ودوب= ومصدرن مالمرجلة ما وردها
وبعض العيال ايجيك يمشي على صوب= يفخر وقومه وجبته مافقدها
الله يعز اللي كسوه أبيض الثوب= سعودية للدار عز وسندها
اخوان نورة قضبو نجد برتوب= وماتذل نفس كود منة غيدها

وبعض العيال اليا ظهر يقضي النـوب=يجلى مـن عيـون القرايـب رمدهـا