الله ولا منت الريس وتقييمه = رزقي على واحدٍ ماخاب طلابه
تقييم بعض العرب نجهل تعاليمه=ولو ماعرفنا بنوده ربي ادرابه
الله حسيب البشر لا قلّت الشيمه=ولابد للعبد يومٍ ياخذ حسابه
لانزاح ليل المصالح ونجلى غيمه=وكلٍ لقى ما فعل في صفحة كتابه
العذر ما ينفعه والحسره امديمه=والناس ما ينفعونه لو هم اصحابه
وخذت مغاتيره وزيدة مجاهيمه=بمراح وضحه بدت مع سوده اتعابه
حسب الخطا من رصيده يدفع القيمة = حسناته اللي جمعها راحت انهابه
ياناس ياللي تعز الدين وتقيمه = ادعوا على الريس الظالم ومن جابه
يجيه من ينتقم للفرد ويضيمه=ويصير عبره لغيره يوم يدرا به

المشاركة الأصلية كتبت بواسطة سالم بن صمهود (المشاركة 175859) ياناس ياللي تعز الدين وتقيمه = ادعوا على الريس الظالم ومن جابه يجيه من ينتقم للفرد ويضيمه=ويصير عبره لغيره يوم يدرا به

الشاعر الكبير ابو صمهود ، صح الله لسانك ملايين ولايسدن قصيدة رائعه من شخص اروع ماتعودنا منه الا على كل جزل وجميل دمت مبدعاً تقبل تحياتي،،