::: مـنتدى قبيلـة الـدواسـر الـرسمي ::: - بيـدك تشـب النار وبعدين تزعـل // والنارماتعـرف زعـل تعـرف الكي

الـــــســــلام عـــــلــــيــــكــم

ابلفظ انفاسـي الاخـيره وابرحـل
لا مـات قلبي عـاد لا تنتظـر شـي
وابدفنه واخـفـيه في راس هالتل
واعرف مكانه واطمئن مات لو حـي
ماعـاد ابيه وماابي عـنه تسـال
اللي جمعني فيك ما عـاد لي ضـي
نوره تـلاشـى ومـات من قبل يكمل
ولامـات نـورالقلب لاترتـجـي شـي
توك ذكرته وجـيت وبالامـس تجهـل
وينك هـذاك الامس ما كنت لي فـي
رجـعـت لي نادم وتامرنـي اقبـل
وشـلون بقبل تفتكـر جرحـي شـوي
بالله عـليك اسـتح ومن نفسك اخجل
يكفيني موت القلب والاسم بس حـي
وش تنتـظـر ردي لو جــيت تسـال
بقولـك عـادي تفضــل بـلا شـي
والا اجهـلك واذكـرك يـوم تجهـل
والاانبذك عطشـان وبيدي اناالمي
ابيك تحـكم انـت تجـاوب وتسـال
وابنتظـر حكمك معك كـان لو لـي
وان كان لي الحـكم حـياك اسـال
وبتـشـوف ردي لـك شـي عـلى شـي
انـت بديـت ومـن بـدا ايتحـمـل
جـرب تذوق اللي جـرعته اناشـوي
دامك تخـاف الحـب وللحـب تجهـل
وش جـابرك ترمي اشـباكك على مي
بيـدك تشـب النار وبعدين تزعـل
والنارماتعـرف زعـل تعـرف الكي
مسـكيـن مـن افتـى وحـرم وحـلل
وهومايعرف الفاتحه من الفلق شي
خـذاه طغـيانه صـعـد به وحـول
ومن بعدهااصـبح ينادي العدو خي
ذوق العـذاب وخـله فيك ايتجـول
ذوق السهروالقهر واصرخ وقول اي
ولا تفـتكـر ظـلمك عـلى بيتحـول
مااظلمك ومااقهرك هالطبع مو بي
ادري سـكـوتـي لـك نـاراتحــول
وسـاعتهاودك اذبحك ومااسكت شوي
لكن افضــل فـي سـكـوتـي اطـول
وماانكسـر واضـعف وابكي على شي
ومن يرضـى بالتالي لايطمح بالاول
ومن عـينه عالاول ترى نال هالشي
هـذي ترى انفاسي الاخيره من اول
بقولها وبصــرخ بموتـي وانا حي
بكتب وصـيتي وسـامحـوني اذا حل
موتـي انابـيدك ياقيـوم يالحي
ابلفظ انفاسـي الاخـيره وابـرحل
لا مـات قلبـي عـاد لاتنتظـرشـي