ياخفوقي هات ماعندك من الشعرالجزيل = دام شعرك في وليفك لاتحاول تذخره
كلنا فدوه انا ويّاك للطرف الكحيل = نخسر الكون الوسيع ومانحاول نخسره
ياوليفي يامنى عيني وياروح العليل = روح من علّه فراقك والمدامع تجبره
يبدي عزومه عليك ويخفي اوجاع الغليل = ويخفي الونّه عليك ودمع عينه ينثره
آتظاهر بالعزوم الكايده والمستحيل = صدتي من دون حبٍ ذقت نبته وثمره
ياوليفي يعلم الله يوم نوّيت الرحيل = آتظاهر بالصدود وخافي الصدر استره
هاك معلومه واخذها ساعة الحجّه دليل = خلّها في قلبك اللي نال فالحب اكبره
ان نويت تصد عنّي وشفت ماللقلب حيل = طالبك قبل الموادع ودّني للمقبره
وش حياتي دام مالي لاكثير ولاقليل = من انا من دون شوفك .. واستلمها اشكره
ذقت منك الموت وايضا فوق هم الموت ويل = وذقت منك احلى غرام وذقت فالحب اكثره
المراد اني حلالك وانت لي اول خليل = لوتسوي ماتسوي تستحق المغفره
ان بخلت الروح فيك وكفت الكف الحصيل = من هو اللي يستحق اعطيه لو عود شجره
من هو اللي مايلاقي غير محبوبه بديل = غير انا وانت وغرامٍ فيه صارت شوشره
ليت وقتي يوم جيته واصبح الكايد يميل = ماعطاني عقب وجهه غير صده وظهره
دمعي اللي ماهقيته فوق خدّيني يسيل = سال بأمر الله ولا للروح غير الغرغره
الزمن طبعه يخلّي راعي العزه ذليل = والهوى لامن بغا قلبي وليفي ..يقهره
تحت رجلي جمر نار وفوق كتفيني صقيل = يا اموت بسيف والا فوق نارٍ مُسعَره
كلها واحد مدام الموت آخرته يزيل = اكثرت لأسباب بس الموت يبقى بخْبره
ياوليفي لاجزانا الوقت بالبعد الطويل = اخذ قلبي قبل ماتنوي فراقي واقبره